މިޔަރުގެ މައްސަލައަށް ހައްލެއް ހޯދުމަށް މަސައްކަތްތަކެއް ކުރަމުންދާކަމަށް މަސްވެރިކަމާއި ކަނޑުގެ ވަސީލަތްތަކާއި ބެހޭ ވަޒީރު އަޙުމަދު ޝިޔާމު ވިދާޅުވެއްޖެއެވެ.
ކަނޑުގެ ދުވަސް ފާހަގަކުރުމަށް ބޭއްވި ހަރަކާތެއްގެ ތެރެއިން ނޫސްވެރިންނަށް މައުލޫމާތު ދެއްވަމުން ވަޒީރު ޝިޔާމް ވިދާޅުވީ، މަސްވެރިކަން ކުރާ ފަރާތްތަކަށް މިޔަރުގެ އުނދަގޫ ފޯރާ ވާހަކައަކީ ވަރަށް ގަދަޔަށް އަޑުއިވޭ ވާހަކައެއް ކަމަށާއި، މިޔަރުގެ ސަބަބުން ބައެއްކަހަލަ ހިތާމަވެރި ހާދިސާތައް ވެސް ހިނގާފައިވާ ކަމަށެވެ.
މި މައްސަލައިގައި ފަރުވާތެރިވާން ޖެހޭ ކަންކަން ހުރިކަން ފާހަގަކުރައްވަމުން ވަޒީރު ވިދާޅުވީ، ފަތުރުވެރިން ޝައުގުވެރިކުރުވުމަށްޓަކައި ރިސޯޓްތަކުން ފަޅުތެރެއާއި ފަޅުން ބޭރުގައި ވެސް މިޔަރަށް ކާންދޭ ކަމަށާއި، މަސް ޕްރޮސެސް ކުރާ ތަންތަނުން އުކާލެވޭ ތަކެއްޗާއި ރަށްރަށުން އުކާލެވޭ ކާބޯތަކެތި، ވަކިން ހާއްސަކޮށް މަހުގެ ބައިތައް މޫދުން ވަކި ސަރަހައްދަކަށް އުކާލާއިރު، އެ ސަރައްދަކަށް މަސް މަހާ މެހި ގިނަވެ، އޭގެ ތެރޭގައި މިޔަރު ވެސް ހިމެނޭ ކަމަށެވެ.
ވަރަށް ބޮޑަށް މަސްވެރިން އެދޭ، މަސްވެރިންގެ ތެރެއިން ވަރަށް ގިނަ ބަޔަކު އެދޭ ކަމެއް އެއީ މިޔަރާއި ދޭތެރޭގައި ސަރުކާރުން ގޮތްތަކެއް ނިންމުން. އަޅުގަނޑުމެން މިދަނީ ކޮބައިތޯ މީގަ ގެނެވޭނެ ހައްލަކީ ބަލާ އެކަންތަކާއި ދޭތެރޭގައި އަޅުގަނޑުމެން މިދަނީ މަސައްކަތްތަކެއް ކުރަމުން އިނގޭތޯ،"
ވަޒީރު ޝިޔާމް ވިދާޅުވިއެވެ.
ދާދި ފަހުން އެމްއެންޑީއެފް އިން ލ. ކައްދޫގައި ކުރިއަށްގެންދިޔަ ތަމްރީނެއްގެ ތެރެއިން މިޔަރެއް ހަމަލާދިނުމާއިގުޅިގެން ލިބުނު އަނިޔާތަކުގެ ސަބަބުން، ސިފައިންގެ އޮފިސަރެއް ވަނީ ނިޔާވެފައެވެ.
Advertisement
This content is created and paid for by advertisers and does not involve Voice Journalists
