އައިފޯނުގެ އެންމެ ފަހުގެ އަޕްޑޭޓާއިއެކު މީގެ ކުރިން ފޯނުން ޑިލިޓްކޮށްފައި ހުރި ފޮޓޯތައް އަލުން އަނެއްކާވެސް ގެލެރީން ފެންނަ މައްސަލައެއް ފެންމަތިވެއްޖެއެވެ.
އައިއޯއެސް 17.5 ގެ އަޕްޑޭޓާއި އެކު ވަރަށް ކުރީގެ ފޮޓޯތައް ވެސް ގެލެރީ އަށް އެނބުރި އަންނައިރު، އައިފޯނުން ޑިލިޓް ކުރާ ފޮޓޯތައް 30 ދުވަހުގެ ތެރޭގައި ފޮހެވެން ޖެހޭނެއެވެ.
މިކަމާއި ގުޅޭގޮތުން ވާހަކަ ދެއްކި މީހަކު ބުނީ، 2016 ވަނަ އަހަރު ނެގި ފޮޓޯތަކެއް ވެސް ފަހުން ނެގި ފޮޓޯތަކުގެ ތެރޭގައި ހުރި ކަމަށާއި، އޭގެ ކުރިންވެސް ނެގި ފޮޓޯތަކެއް ގެލެރީ އިން ފެނިފައިވާ ކަމަށެވެ.
ހަމައެއާއިއެކު، އެހެން މީހަކު ބުނީ، ފޯނު އަޕްޑޭޓް ކޮށްލުމުގެ ކުރިން އިނީ އެންމެ ވޮއިސް މެއިލް އެއް ކަމަށާއި، އަޕްޑޭޓް ކުރުމަށްފަހު ފޯނު ހުޅުވާލުމުން އެ އަދަދު 26 އަށް ބަދަލުވެފައިވާ ކަމަށާއި، އައިސްފައިވަނީ ކުރީގެ ވޮއިސް މެއިލް ތަކެއް ކަމަށެވެ.
މިކަމާއި ގުޅިގެން އައިފޯނު އުފައްދާ އެޕަލް ކުންފުނިން ބުނީ އެއީ ސޮފްޓްވެއާގެ ބަގެއްގެ ސަބަބުންނާއި ޑާޓާބޭސް އަޕްޑޭޓް ކުރުމުގެ މަސައްކަތުގެ ތެރެއިން ކުރިމަތި މައްސަލައެއް ކަމަށެވެ.
އެއާއިއެކު، މި މައްސަލަ ހައްލު ކުރުމަށްޓަކައި އެޕަލްއިން މިހާރު ވަނީ އައިއޯއެސް 17.5.1 ނަމުގައި އާ އަޕްޑޭޓެއް ކަސްޓަމަރުންނަށް ފޯރުކޮށްދީފައެވެ.
Advertisement
This content is created and paid for by advertisers and does not involve Voice Journalists
