ވިއްސާރަ މޫސުމާއި ގުޅިގެން މާލޭގައި ފެންބޮޑުވާ މަގުތައް މަރާމާތު ކުރުމުގެ މަސައްކަތް މާލެ ސިޓީ ކައުންސިލުން ފަށައިފިއެވެ.
މާލެ ސިޓީގެ މޭޔަރު އާދަމް އާޒިމް އެކްސްގައި ކުރެއްވި ޕޯސްޓެއްގައި ވިދާޅުވީ، މ. އިއްޒުއްދީންމަގު (ފަލާހު ޕްރީސްކޫލް) ކުރިމަތީގައި އޮތް މަގު މަރާމާތު ކުރުމަށް ރޫޅާލުމުގެ މަސައްކަތް ފަށާފައިވާ ކަމަށާއި، އެ މަގަކީ ފެން ހިނދުން ލަސް މަގެއްކަމަށެވެ.
އެ މަގުގެ އިތުރުންވެސް، ވިއްސާރައިގެ ސަބަބުން ބޮޑުވާ ފެންގަނޑު ހިނދުން ލަސް މަގުތައް މަރާމާތު ކުރުން ކުރިއަށްދާނެ ކަމަށް މޭޔަރު އާޒިމް ވިދާޅުވިއެވެ.
"މ. އިއްޒުއްދީންމަގު (ފަލާހުޕުރީސްކޫލް) ކުރިމަތީ މަގުމަރާމަރާާމަަތު ކުރުމަށް ރޫޅަލަނީ. މި މަގަކީ ފެން ހިދުން ލަސްމަގެއް. ހަދާ ނިމުމުން މިކަމަށް ހައްލެއް ލިބި ހިނގާ މީހުންނަށާ ސްކޫލް ކުދިންނަށް ވަމުންދާ ދަތިތަކަށް ހައްލެއްލިބިގެންދާނެ. މިގޮތައް ފެންހެދޭ މަގުތަށްރަގަޅު ކުރަން ކުރިޔަށް އޮތް ދުވަސްތަކު ކުރިޔަށްދާނެ."
މޭޔަރު އާޒިމް ވިދާޅުވެއެވެ.
ދާދި ފަހުން މުޅި ރާއްޖެ އަށް ކުރި ވިއްސާރައިގައި ވެސް މާލޭގެ މަގުތަކުގައި ފެންބޮޑުވެ، ގެތަކަށާއި، އެނޫން ވެސް އިމާރާތްތަކަށް ފެންވަދެ އެކިވަރުގެ ގެއްލުންތައް ލިބިފައިވާކަން ފާހަގަކޮށްލަން ޖެހެއެވެ.
Advertisement
This content is created and paid for by advertisers and does not involve Voice Journalists
