ކ. ގުރައިދޫގައި ހުންނަ ޚާއްސަ އެހީއަށް ބޭނުންވާ މީހުންގެ މަރުކަޒުގައި ތިބި އިސްރަށްވެހީންނަށް ހާއްސަކޮށް، އިޖުތިމާޢީ އަދި ޢާއިލީ ތަރައްޤީއާ ބެހޭ ވުޒާރާއިން "އުފާވެރި ރާސްތާ" ޕްރޮގްރާމް ފަށައިފިއެވެ.
އެކި ދާއިރާ ތަކުގައި މަސައްކަތްކުރައްވާ ފަންނީ ބޭފުޅުން މައުލޫމަތުދެއްވާ "އުފާވެރި ރާސްތާ" ޕްރޮގްރާމަކީ ީ ދުވަސްވީ މީހުންގެ ތެރެއިން މަރުކަޒުކުރެވިފައިވާ ފަރާތްތަކަށް އިޖުތިމާޢީ ހަރަކާތްތަކާއި އެކު ފޯރުކޮށްދެވޭ މަޢުލޫމާތު ސެޝަންތަކެކެވެ.
އެ މަރުކަޒުގައި ތިބި ހިނގާ ބިނގާވެ އުޅެވޭ 60 އިސްރަށްވެހީންނަށް އަމާޒުކޮށްގެން ހިންގާ މި ޕްރޮގްރާމާއި ގުޅޭ ގޮތުން ވުޒާރާއިން ބުނީ، މި ޕްރޮގްރާމްގެ މަގްސަދަކީ އުމުރުން ދުވަސްވީ މީހުންގެ ތެރެއިން މަރުކަޒުގައި ޚިދުމަތް ހޯދާފަރާތްތައް މުޖްތަމަޢުއަށް ނެރުމަށް އަހުލުވެރި ކޮށް، އެފަރާތްތައް ދުޅަހެޔޮ ޞިއްޙަތެއްގައި ތިބުމަށް އެހީތެރިވެދިނުން ކަމަށެވެ.
ނަރުހުންނާއި ސޯޝަލް ވާކަރުން މި ޕްރޮގްރާމްގައި ދުޅަހެޔޮސިއްހަތެއްގައި ތިބުމަށް ކުރެވޭނެ ކޮންމެ ދުވަހެއްގެ ކަސްރަތުތަކާއި، މިންހެޔޮ ކާނާއާއި ނަފްސާނީ ގޮތުން ދުޅަހެޔޮކޮށް ތިބުމަށް އަހަމިއްޔަތުކަން ދިނުމުގެ މުހިންމުކަމާއި ގުޅޭގޮތުން މައުލޫމާތު ދީފައިވާއިރު، އެ ވުޒާރާއިން ބުނީ މި ޕްރޮގްރާމްގައި 60 މީހުން ބައިވެރިވެފައިވާ ކަމަށެވެ.
Advertisement
This content is created and paid for by advertisers and does not involve Voice Journalists
