ގައުމުތަކުން ރާއްޖެ އަށް ކަނޑައަޅާ އައު 6 ސަފީރުންގެ ސަފީރުކަމުގެ ފަތްކޮޅު ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު އަށް އަރުވައިފިއެވެ.

ވަކިވަކިން ބޭއްވި މި ރަސްމިއްޔާތު ތަކުގައި ކޮންމެ ސަފީރަކުވެސް ޖުމްހޫރީ މައިދާނުން ފެށިގެން ރައީސުލްޖުމްހޫރިއްޔާގެ އޮފީހާއި ހަމައަށް ވަޑައިގެންނެވީ ހަތްކޮޅުގައި ރަސްމީ އިއްޒަތުގައި ބެރު ދުންމާރި ތާޅަފިލީގައި، ހެވިކަމުގެ ލަޝްކަރީންނާއެކު ހިންގަވައިފައެވެ.

ސަފީރުކަމުގެ ފަތްކޮޅު ރައީސް ޑރ.މުޢިއްޒު އަށް އެރުއްވީ:

1) ފިލިޕީންސްގެ އައު ސަފީރު، ލިއޯ ޓީޓޯ އެލް. އައުސަން، ޖޫނިއަރ

2) ކޮލޮމްބިއާގެ އައު ސަފީރު، ޑޮކްޓަރ ވިކްޓަރ އެޗެވެރީ ޖަރަމިލޯ

3) އެރިޓްރިއާގެ އައު ސަފީރު، އަލެމް ސަހާއި ވުލްދެމާރިއަމް

4) ނޭޕާލުގެ އައު ސަފީރު، މރ. ބަޝޫ ދޭވް މިޝްރާ

5) ސްރީލަންކާގެ އައު ސަފީރު، ޕެލްޕޮލަގެ ރަންގަ ސުޖީވާ ގޫނަވަރދެނާ

6) އިޓަލީގެ އައު ސަފީރު، ޑެމިއާނޯ ފްރެންކޮވިގް

އައު ސަފީރުން، ސަފީރުކަމުގެ ފަތްކޮޅު ރައީސް ޑރ.މުޢިއްޒު އަށް އެރުވުމުން، އެމަނިކުފާނު ވަނީ ތަހުނިޔާ ވިދާޅުވެ، ދިވެހިރާއްޖެއަށް ވަޑައިގެންނެވިކަމަށްޓަކައި މަރްޙަބާ ވިދާޅުވެފައެވެ.

އެއަށްފަހު ރައީސް ޑރ.މުޢިއްޒު ވަނީ އައު ސަފީރުންނާއި އެކު ވަކި ވަކިން ބޭއްވި މި ރަސްމިއްޔާތުގެ ތެރޭގައި، ކޮންމެ ސަފީރަކާއި އެކުވެސް، ދެޤައުމުގެ ގުޅުން އިތުރަށް ބަދަހިކުރެވިދާނެ ދާއިރާތަކާ ގުޅޭގޮތުން މަޝްވަރާކުރައްވާފައެވެ.