ރާއްޖޭގެ 5 ސަރަހައްދެއްގައި ގާއިމުކޮށްފައިވާ ރީޖަނަލް ހޮސްޕިޓަލްތަކުުން ދެމުންގެންދާ ޚާއްސަ ޑޮކްޓަރުންގެ ޚިދުމަތުގެ ވަގުތު އިތުރުކުރަން ނިންމާފައިވާ ކަމަށް ސިއްހީ ވުޒާރާއިން ހާމަކޮށްފިއެވެ.

ސިއްހީ ވުޒާރާއިން ބުނީ، މީގެ ކުރިން އެއް ދަންފަޅިއަށް ޚިދުމަތް ދެމުން އައި 5 ރީޖަނަލް ހޮސްޕިޓަލެއް މިމަހުން ފެށިގެން ދެ ދަންފަޅިއަށް ޚިދުމަތް ދޭން ފެށުމަށް ނިންމާފައިވާ ކަމަށެވެ.

2 ދަންފަޅިއަށް ހިދުމަތްދޭ ގޮތަށް ބަދަލު ކުރި ހޮސްޕިޓަލްތަކަކީ:

1) ހދ ކުޅުދުއްފުށީ ރީޖަނަލް ހޮސްޕިޓަލް

2) ރ އުނގޫފާރު ރީޖަނަލް ހޮސްޕިޓަލް

3) ޑރ. އަބްދުއްޞަމަދު މެމޯރިއަލް ހޮސްޕިޓަލް

4) އައްޑޫ ސިޓީ އިކުއެޓޯރިއަލް ހޮސްޕިޓަލް

5) ލ އަތޮޅު ރީޖަނަލް ހޮސްޕިޓަލް

މީގެ ތެރެއިން، ކުޅުދުއްފުށީ ރީޖަނަލް ހޮސްޕިޓަލުން ވަނީ މިމަހުގެ 1 ވަނަ ދުވަހުން ފެށިގެން ދެ ދަންފަޅިއަށް ކިދުމަތް ދޭން ފަށާފައިވާއިރު، ދެން ހުރި ހޮސްޕިޓަލްތަކުން ދެ ދަންފަޅިއަށް ޚިދުމަތް ދޭން ފަށާނީ  މިމަހުގެ 15 ވަނަ ދުވަހުން ފެށިގެންނެވެ.

މީގެކުރިން އެ ހޮސްޕިޓަލްތަކުގައި ސްޕެޝަލިސްޓުންނަށް ދެއްކުމުގެ ޙިދުމަތްދެމުން އައީ ހެނދުނު 9:00 އިން 16:00 އެކަނި ނަމަވެސް، ދެ ދަންފަޅިއަށް ބަދަލު ކުރުމާއިއެކު، ހަވީރު 16:00 ރޭގަނޑު 9:00 ނުވަތަ 10:00 އާއި ހަމައަށްވެސް ސެޕަޝަލިސްޓުންނަށް ދެއްކުމުގެ ޚިދުމަތް ލިބިގެންދާނެ އެވެ.

ސިއްހީ ވުޒާރާއިން ބުނީ، މި ބަދަލާއިއެކު، އެތަންތަނުން ޚިދުމަތް ހޯދާ ރައްޔިތުންނަށް އެތައްގޮތަކުން ލުއިފަސޭހަތަކެއް ލިބިގެންދާނެކަމަށެވެ.