މާލޭގައި ފުޅާ ދާއިރާއެއްގައި ހަށި ވިއްކި ދެ ބިދޭސީ އަންހެނުން ރޭ ހައްޔަރުކޮށްފިއެވެ.
އިމިގްރޭޝަނުން މިއަދު ބުނީ، މާލޭގައި ފުޅާދާއިރާއެއްގައި ހަށިވިއްކާ ކަމުގެ މައުލޫމާތު ފުލުހުންގެ އިންޓެލިޖަންސްއިން ލިބުމާއެކު 3 ޖުލައި 2024 ވީ ބުދަ ދުވަހުގެ ރޭ، ޓާސްކް ފޯރސް އިން ޚާއްސަ ރެއިޑް އޮޕަރޭޝަނެއް ހިންގާފައިވާ ކަމަށެވެ.
އެ އޮޕަރޭޝަންގައި ވިއެޓްނާމަށް ނިސްބަތްވާ ދެ އަންހެނަކު ވަނީ އިމިގްރޭޝަންގެ ބެލުމުގެ ދަށަށް ގެންގޮސްފައެވެ.
އިމިގްރޭޝަނާއި ފުލުހުން ގުޅިގެން ރޭ ވަނީ ޑޮލަރު އޭޓިއެމް ކައިރީގައި ވެސް ޚާއްސަ އޮޕަރޭޝަނެއް ހިންގައި ފުޅާ ދާއިރާއެއްގައި ޑޮލަރު ވިއްކުމުގެ ވިޔަފާރިކުރި ދެ ބިދޭސީން އިމިގްރޭޝަންގެ ބެލުމުގެ ދަށަށް ގެންގޮސްފައެވެ.
ގަވާއިދާ ހިލާފަށް އުޅޭ ބިދޭސީންގެ މައްސަލަ ހައްލުކުރަން އިމިގްރޭޝަނުން އިސްނަގައިގެން ކުރިއަށް ގެންދާ އޮޕަރޭޝަންގެ ތެރެއިން މިހާތަނަށް 1،800 އަށްވުރެ ގިނަ ބިދޭސީން ވަނީ ޑީޕޯޓުކޮށްލައިފައެވެ. އޭގެ އިތުރުން ވެސް 100 އަށްވުރެ ގިނަ މީހުން މި ފަހުން ވެސް ވަނީ އިމިގްރޭޝަންގެ ބެލުމުގެ ދަށަށް ގެންގޮސްފައެވެ.
Advertisement
This content is created and paid for by advertisers and does not involve Voice Journalists
