ރައްޔިތުންގެ މަޖިލީހާއި ކައުންސިލްތަކުގެ ސައިޒުވެސް ކުޑަކުރުމަށް ގާނޫނުތަކަށް އިސްލާ ހުށަޅުއްވާނެ ކަމުގައި ރައީސުލްޖުމްހޫރިއްޔާ ޑރ މުހައްމަދު މުއިއްޒު ވިދާޅުވެއްޖެއެވެ.
މިރޭ ޕީއެންސީގެ ހަރުގޭގައި އޮތް ޖަގަހަ ޖަލްސާގައި ވާހަކަ ދައްކަވަމުން ރައީސް މުޢިއްޒު ވިދާޅުވީ، ޚަރަދު ކުޑަކުރާ ވާހަކަ ދައްކަވާއިރު، ގައުމަށް ކަތާވަރަށް ގައުމުގެ ނިޒާމު ބައްޓަންކުރާ ވާހަކަ ދައްކަންޖެހޭ ކަމަށެވެ.
އެގޮތުން، ރައީސް މުޢިއްޒު ވިދާޅުވީ، އެމަނިކުފާނަށް ފެނިވަޑައިގަންނަވާ ގޮތުގައި މަޖިލިސް މެންބަރުންގެ އަދަދުގެ ގޮތުގައި އެންމެ ރަނގަޅު އަދަދަކީ 77 ކަމަށެވެ. އެއީ 2009 ވަނަ އަހަރު އާގާނޫނު އަސާސީގެ ދަށުން ފުރަތަމަ އިންތިހާބު ކުރި މަޖިލީހުގެ މެންބަރުންގެ އަދަދެވެ.
އަޅުގަނޑު ގަބޫލުކުރާ ގޮތުގައި މަޖިލީހުގެ ސައިޒުވެސް އެބަޖެހޭ ހަމައަކަށް އަޅުވަން. މިހާރު މިދާގޮތަށް ދަންޏާ އާބާދީ އިތުރުވާ ވަރަށް، 100 އަށްވެސް އަރާފާނެ. އެ އަދަދު ކުޑަކުރަން ވިސްނާއިރު، މާ ކުޑަކޮށްލިޔަސް ރަނގަޅެއް ނުވާނެ. އެންމެ ރަނގަޅު ގޮތަކަށް ވާނީ، މަޖިލީހުގެ މެންބަރުންގެ އަދަދު 77 މެންބަރުންނަށް ލިމިޓްކޮށް ހަމަޖެއްސުން. އެހެންވީމާ ކުރިއަށް މަޖިލީހަށް 77 ނޫނީއްޔާ އެހާ ހިސާބަށް ގާތްގަނޑަކަށް ހަމަޖެހޭ އަދަދަކަށް ކުޑަކޮށް، އެއަށްވުރެ ބޮޑު ނުވާގޮތަށް ގާނޫނު އިސްލާހުކުރަން ސަރުކާރުން އިރާދަކުރެއްވިއްޔާ ހުށަހަޅާނަން
ރައީސުލްޖުމްހޫރިއްޔާ ޑރ މުހައްމަދު މުއިއްޒު
ހަމައެހެންމެ، ކުދިކުދި ރަށްތަކުގައި ކައުންސިލަރުންގެ ގޮތުގައި ރައީސްއަކާއި ނައިބު ރައީސުން ތިބުމުން ފުދޭނެ ކަމަށެވެ. އާބާދީ ބޮޑެތި ރަށްތަކަށް އެއަށްވުރެ ގިނަ ކައުންސިލަރުން އިންތިހާބު ކުރުން އެންމެ ރަނގަޅު ކަމަށެވެ. އަދި އަތޮޅު ކައުންސިލްތައް މިހާރު އޮތް ގޮތް ބަދަލު ކުރަން ޖެހޭ ކަމަށް ވެސް ރައީސް ވިދާޅުވިއެވެ.
ކައުންސިލް ތަކުގެ ސައިޒު ކުޑަކުރަންޖެހޭ. ކައުންސިލްތަކުގެ ސައިޒު ނުކަތާހާ ބޮޑު. ކައުންސިލް ތަކުގެ ސައިޒު ކުޑަކުރުމަކީ ރައްޔިތުންގެ ޓްރޫ ރިޮްރެޒެންޓޭޝަން ދޫކޮށްލުމެއް ނޫން. މިސާލަކަށް ގައުމުގެ ކަންކަން ހިންގަން ހޮވަނީ އެންމެ މީހެއް. އެހެންވީމާ، 300، 500 ނޫނީ 1000 އެއްހާ މީހުންގެ ރަށެއްގައި 5 ނޫނީ 7 މީހުން ހޮވުމަކީ ވަރަށް ޚަރަދު ބޮޑު ކަމެއް. އަޅުގަނޑު ގަބޫލުރާ ގޮތުގައި ކައުންސިލްގެ ރައީސް އަދި ނާއިބު ރައީސް ހޮވީމާ، އާބާދީގެ ގޮތުން ކުދި ރަށްތަކަށް ފުދޭނެ. އާބާދީގެ ގޮތުން އެއަށްވުރެ ބޮޑެތި ރަށްތަކަށް ތަންކޮޅެއް ބޮޑު ކޮށްލިޔަސް، ސިޓަި ތަކަށް އެއަށްވުރެ ބޮޑު ކޮށްލިޔަސް ފުދޭނެ. މިހާރަށްވުރެ ކައުންސިލް ތަކުގެ ސައިޒު ކުޑަކުރުމަކީ ރައްޔިތުންނަށް އެންމެ ރަނގަޚު ގޮތް. އެ އިސްލާހު އަޚުގަނޑު ހުށަހަޅާނަން
ރައީސުލްޖުމްހޫރިއްޔާ ޑރ މުހައްމަދު މުއިއްޒު
ރައީސުލްޖުމްހޫރިއްޔާ ޑރ މުހައްމަދު މުއިއްޒު
މީގެ އިތުރުން، ރާއްޖޭގެ ސިޔާސީ ނިޒާމް ބައްޓަންވެފައުވާ ގޮތުން، ގިނަ އިންތިޚާބުތަކެއް ބާއްވަންޖެހޭ ކަން ފާހަގަކުރައްވައި، ރައީސް ވިދާޅުވީ، ރައްޔިތުންގެ ބައިވެރިވުން ސަރުކާރު ހިންގުމުގަައި ހިމެނުމަށް އިންތިޚާބު ތަކަކީ މުހިންމު އެއްޗެއް ނަމަވެސް، އެކަން ކުރެވެންޖެހޭނީ ޚަރަދު ދެކޮޅުޖެހޭ ގޮތަށް ޒިންމާދާރުކަންމަތީގައި ކަމަށެވެ.
ނިމިދިޔަ މަޖިލީހުގެ އިމްތިޚާބު ނިމިގެން ދިޔައިރުގައި، 120 މިލިއަނަށްވުރެ ގިނަ ރުފިޔާ، ރައްޔިތުންގެ ފައިސާ ވަނޫ ޚަރަދުވެފައި. ރިޔަސީ އިންތިޚާބު ނިމުނު އިރު، އެ އިންތިޚާބަށް 180 މިލިއަނަށްވުރެ ގިނަ ރުފިޔާ އެބަހުރި ޚަރަދުވެފައި. މި ދެ އިންތިޚާބަކީ ކައިރި ކައިރީ، 6 މަސް ދުވަހުގެ ގެޕެއް އޮންނަ އިންތިޚާބެއް. އަޅުގަނޑު ދެކާެ ގޮތުގައި ރައްޔިތުންނަށް އެންމެ ފައިދާ ވާނީ ރިޔާސީ އިންތިޚާބާއި މަޖިލިސް އިމްތިޚާބު އެކުއެކީގައި ބޭއްވުމުން. އޭރުން އަޅުގަނޑުމެންނަށް އެބަ ސަލާމަތްކުރެވޭ މަދުވެގެން 120 މިލިއަން ރުފިޔާ.
ރައީސުލްޖުމްހޫރިއްޔާ ޑރ މުހައްމަދު މުއިއްޒު
ރައީސް މުއިއްޒު ވިދާޅުވީ ކުރިއަށް އޮތްތަނުގައި ދެ އިންތިޚާބު އެއްކޮށް ބާއްވަން އިސްލާހު ހުށަހަޅުއްވާނެ ކަމަށެވެ.
Advertisement
This content is created and paid for by advertisers and does not involve Voice Journalists
