ގަވާއިދާ ހިލާފަށް ވިޔަފާރި ކުރަމުންދިޔަ އިތުރު 7 ބިދޭސީން ހައްޔަރުކޮށް، ކެފޭއެއް ބަންދުކޮށްފިއެވެ.
އިމިގްރޭޝަނުން އެކްސްގައި ކުރި ޕޯސްޓެއްގައި ބުނީ، ގަވާއިދާ ހިލާފަށް ވިޔަފާރި ކުރަމުންދާ ބިދޭސީން ހޯދުމަށް އިމިގްރޭޝަނުން ކުރިއަށްގެންދާ އޮޕަރޭޝަންގެ ތެރެއިން ރޭ މާލޭގައި އިތުރު 7 ބިދޭސީން ހައްޔަރުކޮށްފައުވާ ކަމަށެވެ.
އަދި މީގެ ތެރޭގައި 6 ފިރިހެނުންނާއި 1 އަންހެނަކު ކަމަށާ، އިމިގްރޭޝަންގެ ވެހިކަލަށް ގެއްލުން ދިނުމުގެ ސަބަބުން ބެލުމުގެ ދަށަށް ގެނެވުނު ބިދޭސީއެއް ވެސް މި 7 މީހުންގެ ތެރޭގައި ހިމެނޭ ކަމަށެވެ.
އިމިގްރޭޝަނުން އިތުރަށް ބުނީ، މި އޮޕަރޭޝަންގައި މާލޭގައި ހުރި 4 ޓޭކްއަވޭ/ކެފޭ ބަލައި ފާސްކުރި ކަމަށާ މި އޮޕަރޭޝަންގެ ތެރެއިން ގަވާއިދާ ހިލާފަށް ވިޔަފާރި ކުރަމުންދިޔަ 3 ބިދޭސީން ހިންގަމުންދިޔަ ކެފޭއެއް ބަންދުކޮށްފައިވާ ކަމަށެވެ.
އިމިގްރޭޝަނުން މައުލޫމާތު ދެއްވިގޮތުގައި، މި ފަރާތްތަކާމެދު އިމިގްރޭޝަން ގާނޫނުގެ ދަށުން އެންމެ ހަރުކަށި ފިޔަވަޅު އެޅިގެންދާނެއެވެ.
Advertisement
This content is created and paid for by advertisers and does not involve Voice Journalists
