ދައުލަތުގެ ބައިތުލްމާލަށް ނުލިބިހުރި ފައިސާގެ ތެރެއިން 639 މިލިއަނަށްވުރެ ގިނަ ރުފިޔާ، ނިމިގެންދިޔަ ދެވަނަ ކުއާޓަރުގެ ތެރޭގައި ހޯދާފައިވާކަމަށް މޯލްޑިވްސް އިންލަންޑް ރެވެނިއު އޮތޯރިޓީ (މީރާ) އިން ބުނެފިއެވެ.

ދައުލަތުގެ ޓެކްސް އިދާރާއިން ނެރެ އާއްމުކޮށްފައިވާ ނިމިގެންދިޔަ ދެވަނަ ކުއާޓަރުގެ މާލީބަޔާނުގައި ވާގޮތުން، ދައުލަތަށް ޓެކްސްގެ ގޮތުގައި ދައްކަންޖެހޭ ފައިސާ ހޯދުމަށް ކުރެވުނު މަސައްކަތުގެ ތެރެއިން އެ ކުއާޓަރުގެ ތެރޭގައި ވަނީ، 639.3 މިލިއަން ރުފިޔާ ހޯދާފައެވެ. މީގެ ތެރޭގައި ކޯޓުތަކަށް މައްސަލަ ހުށަހަޅައިގެންނާއި، ބޭންކް އެކައުންޓްތައް ފްރީޒްކުރުމުގެ އިތުރުން އެކި ގޮތްގޮތުން މުއާމަލާތްކޮށްގެން ހިމެނެއެވެ.

 - ޑަނިންގ/ އެކި ގޮތްގޮތުން މުއާމަލާތްކޮށްގެން : 514 މިލިއަން ރުފިޔާ

 - ޑިއުސް ކްލިއަރަންސް : 91 މިލިއަން ރުފިޔާ

 - ބޭންކް އެކައުންޓް ފްރީޒްކޮށްގެން: 20 މިލިއަން ރުފިޔާ

ނިމިގެންދިޔަ ކުއާޓަރުގައި މީރާއިން ވަނީ 83 އޮޑިޓެއްކޮށް 92 މިލިއަނަށްވުރެ ގިނަ ރުފިޔާ ހޯދާފައެވެ. މީގެ އިތުރުން 162 ވިޔަފާރިއަކަށް ވަނީ ބަހާލައިގެން ފައިސާ ދެއްކުމުގެ ފުރުސަތު ދީފައެވެ. މި ފަރާތްތަކުން ދައްކަންޖެހޭ ފައިސާގެ އަދަދު 363 މިލިއަނަށްވުރެ ގިނަ ރުފިޔާއަށް އަރައެވެ.