ދޮންދަރިފުޅާ ބެހުނު މީހަކު 16 އަހަރަށް ޖަލަށްލާން ހުކުމް ކޮށްފިއެވެ.
ރާއްޖޭގެ އުތުރުގެ ރަށެއްގައި ހިނގި މިހާދިސާގައި ދޮންދަރިފުޅާ ބެހުނު ދިވެހި ފިރިހެނަކު 16 އަހަރަށް ޖަލަށްލާން ހުކުމްކޮށްފައިވަނީ މިދިޔަ ހަފްތާގައެވެ.
މި މައްސަލައިގައި ދައުލަތުން އެ މީހާގެ މައްޗަށް އުފުލާފައިވަނީ ކުޑަ ކުއްޖަކަށް އިތުބާރު ކުރަންޖެހޭ މަގާމެއްގައި ހުރި މީހަކު، އެ ކުޑަ ކުއްޖާއާއެކު ޖިންސީ އަމަލެއް ހިންގުމުގެ ކުށުގެ ދައުވާއެވެ. މައްސަލައިގެ ޝަރީއަތުގެ މަރުހަލާގައާއި ތަހުގީގު މަރުހަލާގައިވެސް އެ މީހާ ވަނީ ތުހުމަތުތަކާ ދެކޮޅު ހަދާ ކުށަށް އިންކާރުކޮށްފައެވެ.
ނަމަވެސް، މައްސަލަ ސާބިތުކޮށްފައިވަނީ އެ މީހާއާ ދެކޮޅަށް ދައުލަތުން ހުށަހެޅި ހެއްކާއި ގަރީނާގެ މައްޗަށް ބިނާކޮށެވެ. އަނިޔާ ލިބުނު ކުޑަ ކުއްޖާގެ މަސްލަހަތު ރައްކާތެރި ކުރުމަށްޓަކައި، ހާދިސާގެ ތަފްސީލާއި ކުށްވެރިޔާގެ މައުލޫމާތު ހާމަކޮށްފައެއް ނުވެއެވެ.
މި ހުކުމަކީ ކުޑަކުދިންނަށް ކުރާ ޖިންސީ އަނިޔާގެ މައްސަލަތަކުގައި ޝަރުއީ ކޯޓުތަކުން އަޅަމުންދާ ހަރުކަށި ފިޔަވަޅުތަކުގެ އިތުރު މިސާލެކެވެ.
Advertisement
This content is created and paid for by advertisers and does not involve Voice Journalists
