ޤައުމީ އެއަރލައިން މޯލްޑިވިއަނުން 6 އޮގަސްޓުން ފެށިގެން ބަންގްލަދޭޝްގެ ޑާކާއަށް ކުރަމުން އައި ދަތުރުތައް ވަގުތީގޮތުން މެދުކަނޑާލައިފިއެވެ.

މޯލްޑިވިއަނުން ބުނީ 6 އޮގަސްޓުން ފެށިގެން ޑާކާ ދަތުރުތައް ވަގުތީގޮތުން މެދުކަނޑާލާފައިވާކަމަށާއި، އަލުން މި ދަތުރުތައް ފަށާނެ ތާރީޚެއް ފަހުން ޢާންމުކުރާނެކަމަށެވެ. 

ބަންގްލަދޭޝްއަށް މޯލްޑިވިއަނުން ކުރަމުންއައި ދަތުރުތައް މެދުކަނޑާލީ އެޤައުމުގައި މިހާރު ހިނގަމުންދާ ހަމަނުޖެހުންތަކާއި ގުޅިގެން ހާލަތު ގޯސްވުމުންނެވެ.

Advertisement

އަދި މީގެ އިތުރުން އެގައުމުގައި ކުރަމުންދާ މުޒާހަރާތަކާއި ހަމަނުޖެހުންތައް ބޮޑުވެ ބަންގްލަދޭޝްގެ ބޮޑުވަޒީރު ޝައިޚް ޙަސީނާ އިއްޔެގެ ވަގުތެއްގައި އިސްތިޢުފާ ދެއްވައި ބަންގަލަދޭޝް ދޫކުރައްވާފައިވާކަން ފާހަގަކޮށްލަންޖެހެއެވެ.

މޯލްޑިވިއަން އިން ކޮންމެ ހަފްތާއެއްގައިވެސް ބަންލަދޭޝްގެ ޑާކާއަށް ދަތުރުރުތައް ބާއްވައެވެ.