އިމިގްރޭޝަން އިން ހުޅުމާލޭގައި އިއްޔެ ހިންގި 2 އޮޕަރޭޝަނެއްގައި 11 ބިދޭސީއަކު ހައްޔަރުކޮށްފިއެވެ.
އިމިގްރޭޝަނުން އިއްޔެ އެކްސްގައި ކުރި ޕޯސްޓެއްގައި ބުނީ، ހުޅުމާލޭގައި ހިންގަމުން ގެންދާ ބޯކޮށުމުގެ ހިދުމަތްދޭ ތަންތަނަށް އަމާޒުކޮށް ހިންގި އޮޕަރޭޝަންގައި ހަ ތަނެއް ބަލައި ފާސް ކުރި ކަމަށެވެ.
އަދި އޭގެ ތެރެއިން ހަތަރު ތަނެއް ބަންދުކޮށް ފައިވާކަމަށާއި ގަވައިދާ ހިލާފަށް އުޅޭ ހަތް ބިދޭސީއަކު އިމިގްރޭޝަންގެ ބެލުމުގެ ދަށަށް ގެންގޮސްފައިވާ ކަމަށް އިމިގްރޭޝަން އިން ބުނެފައިވެއެވެ.
މީގެ އިތުރުން އިއްޔެ ހުޅުމާލޭގައި ހިންގި އެހެން އޮޕަރޭޝަނެއްގައި ބިދޭސީން ހިންގާ 7 ކޮފީ/ޓޭކްއަވޭ ކެފޭތަކެއް ބަލައި ފާސްކޮށްފައިވާ ކަމަށާއި މި ތަންތަނުގައި ގަވާއިދާ ހިލާފަށް މަސައްކަތްކުރަމުންދިއަ 04 ބިދޭސީއެއް އިމިގްރޭޝަންގެ ބެލުމުގެ ދަށަށް ގެންގޮސްފައިވާ ކަމަށް ވެސް އިމިގްރޭޝަން އިން ވަނީ ހާމަކޮށްފައެވެ.
ގަވާއިދާ ހިލާފަށް އުޅޭ ބިދޭސީން ހޯދުމަށް އިމިގްރޭޝަނުން ކުރިއަށް ގެންދާ އޮޕަރޭޝަންތަކުގެ ތެރެއިން ރައީސް ޑރ. މުހައްމަދު މުއިއްޒު ވެރިކަމާ ހަވާލުވެވަޑައިގެންނެވި ފަހުން މިހާތަނަށް ވަނީ 2،000 އަށް ވުރެ ގިނަ ބިދޭސީން ޑީޕޯޓުކޮށްފަ އެވެ. އަދި އެތައް ބިދޭސީއެއް އިމިގްރޭޝަންގެ ބެލުމުގެ ދަށުގައި މިވަގުތުވެސް އެބަތިއްބެވެ.
Advertisement
This content is created and paid for by advertisers and does not involve Voice Journalists
