މިއަދު މާލޭގެ ބައެއް ސަރަހައްދުތަކުން ދެ ގަޑިއިރަށް ކަރަންޓު ކެނޑިދާނެކަމަށް ސްޓެލްކޯއިން ބުނެފިއެވެ.
ސްޓެލްކޯއިން އެކްސްގައި ކުރި ޕޯސްޓެއްގައި ބުނީ، އެ ކުންފުނީގެ ކަރަންޓުގެ ވިއުގަ އަޕްގްރޭޑް ކުރުމުގެ މަސައްކަތަށް މާލެ ސިޓީ، އަމީރު އަޙުމަދު މަގު އަދި ބޮޑުތަކުރުފާނު މަގު އަދި ލޮޓަސް ގޯޅި ހިމެނޭ ސަރަޙައްދުން މިއަދު މެންދުރުފަހު 14:30 އިން 16:30 އަށް ކަރަންޓުގެ ޚިދުމަތް މެދުކެނޑުމަކީ އެކަށީގެންވާ ކަމެއް ކަމަށެވެ.
މީގެ އިތުރުންވެސް، މިއަދު މާލެ ސިޓީ، ބުރުޒު މަގު، ބޮޑުރަސްގެފާނު މަގު، ނިރޮޅު މަގު އަދި ޝަބްނަމް މަގު ހިމެނޭ ސަރަޙައްދުން މިއަދު މެންދުރުފަހު 14:30 ން 16:30 ށް ކަރަންޓުގެ ޚިދުމަތް މެދުކެނޑުމަކީ އެކަށީގެންވާ ކަމެއްކަމަށް ސްޓެލްކޯއިން ބުނެއެވެ.
މިކަމާއި ގުޅިގެން ދިމާވެދާނެ ދަތިތަކަށް ސްޓެލްކޯއިން ވަނީ މައާފަށް އެދިފައެވެ.
Advertisement
This content is created and paid for by advertisers and does not involve Voice Journalists
