އިގްތިޞާދާއި ވިޔަފާރީގެ ރޮނގުނެ އިންޑިއާ އާއި ރާއްޖެއިން އެއްބާރުލުން ދިނުމާއި ގުޅޭގޮތުން ދެގައުމުގެ ދެމެދުގައި މަޝްވަރާކޮށްފިއެވެ.

މި މަޝްވަރާގެ ބައްދަލުވުން ބާއްވާފައިވަނީ އިންޑިއާގެ އެކްސްޓާނަލް އެފެއާޒް މިނިސްޓަރު ސުބްރަމަނިއަމް ޖައިޝަންކަރު ކުރައްވަމުން ގެންދަވާ ދަތުރުފުޅުގެ ތެރެއިންނެވެ.

މި ބައްދަލުވުމުގައި، އިގުތިސާދީ ކަންކަމާ ބެހޭ ވަޒީރު މުހައްމަދު ސައީދާއި މާލީ ވަޒީރު ޑރ. މުޙައްމަދު ޝަފީޤްގެ އިތުރުން މޯލްޑިވްސް މަނިޓަރީ އޮތޯރިޓީ (އެމްއެމްއޭ) ގެ ގަވަރުނަރު އަހްމަދު މުނައްވަރު ވެސް ބައިވެރިވެވަޑައިގެންނެވިއެވެ.

Advertisement

މި ބައްދަލުވުމާއި ގުޅޭގޮތުން ޖައިޝަންކަރު އެކްސްގައި ކުރެއްވި ޕޯސްޓެއްގައި ވިދާޅުވީ، މިއީ ވަރަށް މުހިންމު ބައްދަލުވުމެއް ކަމަށާއި، މި ބައްދަލުވުމުގެ ތެރެއިން  އިޤްތިޞާދީ އަދި ވިޔަފާރިއާއި ބެހޭ ދާއިރާގެ އިތުރުން ތަރައްގީގައި އެއްބާރުލުން ދިނުމާއި ގުޅޭގޮތުން މަޝްވަރާ ކުރެވުނު ކަމަށެވެ.

ރާއްޖެ އަށް ޖައިޝަންކަރު ކުރައްވަމުންގެންދަވާ 3 ދުވަހުގެ މި ދަތުރުފުޅުގައި މުހިންމު މަޝްވަރާތަކެއް ކުރުމަށް ހަމަޖެހިފައިވާއިރު، މި ދަތުރުފުޅު ނިންމަވާލެއްވުމަށްފަހު ޖައިޝަންކަރު އެނބުރި އިންޑިއާއަށް ވަޑައިގަތުމަށް ހަމަޖެހިފައިވަނީ މިމަހުގެ 11 ވަނަދުވަހުއެވެ.