ރާއްޖެއަށް މިހާރުކުރަމުންދާ މޫސުމީ ވިއްސާރައިގައި ފެންބޮޑުވުމާ ގުޅިގެން ލިބެމުންދާ ގެއްލުންތަކުން ސަލާމަތްވުމަށް ކުރެވޭ މަސައްކަތުގައި ރައްޔިތުންނަށް އެހީތެރިވުމަށް ޤައުމީ ކަރަންޓް ކުންފުނި، ސްޓެލްކޯގެ މުއައްޒަފުން ނުކުމެ އެހީތެރިކަން ފޯރުކޮށްދޭން ފަށައިފިއެވެ.
މިކަމާ ގުޅޭގޮތުން ސްޓެލްކޯއިން ބުނެފައިވަނީ، މާލެއަށް ވެހެމުންދާ ވާރޭގެ ސަބަބުން މަގުތަކުގައި ފެންބޮޑުވެ، ގޭގެއަށް ފެންގަނޑު ވަންނަމުންދާތީވެ، އެކަމަށް އެހީތެރިވުމުގެ ގޮތުން ސްޓެލްކޯގެ މުއައްޒަފުން ވެލިބަސްތާތައް ޖެހުމުގައި އެހީތެރިވަމުންދާކަމަށެވެ. ސްޓެލްކޯއިން ބުނީ، އެކުންފުނިން ޚިދުމަތްދޭ އެހެނިހެން ރަށްރަށުގެ މުވައްޒަފުން މިވަގުތުވަނީ ރަށު ފެންވަރުގައި ރައްޔިތުންނަށް އެހީތެރިވުމަށްޓަކައި ތައްޔާރީހާލަތަކަށް ގެނެވިފައިކަމަށެވެ.
ސްޓެލްކޯގެ މެނޭޖިންގ ޑިރެކްޓަރު ހުސައިން ފަހުމީވެސް ވަނީ ސްޓެލްކޯގެ މުއައްޒަފުން ކުރަމުްނގެންދާ މަސައްކަތްތައް ބައްލަވާލެއްވުމަށް މަސައްކަތްކުރަމުންދިޔަ ސަރަހައްދުތަކަށް އަމަލީގޮތުން ވަޑައިގެން ކަންކަން ކުރިއަށްދާގޮތް ބައްލަވާލައްވާފައެވެ.
މުޅި ރާއްޖެއަށް މިހާރު ކުރަމުންދާ ވިއްސާރާގައި ގިނަ ރަށްތަކުގައި ފެންބޮޑުވެ، ބައެއް ރަށްރަށަށް އެކި ވަރުގެ ގެއްލުންތައް ލިބެމުންދާަކަމަށް ކަމާބެހޭ އިދާރާތަކުން ބުނެއެވެ. މިގޮތުން ހއ.ކެލާ، އިހަވަންދޫ ފަދަ ރަށްރަށުގައި ފެންބޮޑުވެ މިހާތަނަށް ބޮޑެތި ގެއްލުންތަކެއް ވަނީ ލިބިފައެވެ.
Advertisement
This content is created and paid for by advertisers and does not involve Voice Journalists
