ރާއްޖެއަށް މިހާރު ކުރަމުންދާ ވިއްސާރައިގައި ހއ.އިހަވަންދޫގެ ނަރުދަމާ ނިޒާމަށް ބޮޑެތި ގެއްލުންތަކެއް ލިބިއްޖެއެވެ.

މިކަމާއި ގުޅޭގޮތުން، އިހަވަންދޫ ފެނަކަ ބްރާންޗް ގެ އެސިސްޓަންޓް މެނޭޖަރު ސިރާޖު ވިދާޅުވީ، ރަށުގެ ނަރުދަމާ ނިޒާމަށް ވަރަށް ބޮޑު ގެއްލުމެއް ލިބިފައިވާކަމަށާއި، ރައްޔިތުން އެކަމުގެ އުނދަގޫ ތަހައްމަލު ކުރަމުންދާ ކަމަށެވެ.

މިކަން ހައްލުކުރުމަށްޓަކައި ރައްޔިތުންގެ ވަރަށް ބޮޑު އެއްބާރުލުމެއް ބޭނުންވާކަން ފާހަގަކުރައްވަމުން ސިރާޖު ވިދާޅުވީ، ޖަންކްޝަން ތައް ފުރިގެން އެކި ފަރާތްތަކުގެ އެހީތެރިކަމާއިއެކު، ކަނޑަށް ބޭރުކުރަމުންދާ ކަމަށެވެ.

ގެތަކުގެ ދިޔަދޮވިތައް ޖަންކްޝަނަށް ގުޅިފައި ހުރިކަމަށާއި، އެފަދައިން ހުރި ފަރާތްތަކުން ވީހާވެސް އަވަހަށް ދިޔަދޮވިތަކުން ޖަންކްޝަނަށް ފެން ނުދާނެގޮތަށް ބަދަލު ކުރުމަށް ވަނީ ސިރާޖު ވަނީ އެދިވަޑައިގެންފައެވެ.

މި މަސައްކަތުގައި ސަރުކާރާއި އިހަވަންދޫ މުއައްސަސާތަކުގެ އިތުރުން، އެ ދާއިރާގެ މަޖިިލިސް މެމްބަރު އަހުމަދު ނަސީރުގެ ފަރާތުން ލިބޭ އެއްބާރުލުމަށް ސިރާޖު ވަނީ ޝުކުރު އަދާކުރައްވާފައެވެ.