ޖަޕާނުގެ ބޮޑުވަޒީރުކަމުގެ މަޤާމުގައި ހުންނެވި ފުމިއޯ ކިޝިދާ އިސްތިއުފާދޭން ނިންމަވާފައިވާކަން މިއަދު އިއުލާންކުރައްވައިފިއެވެ.
ކިޝިދާ މަޤާމުން އިސްތިއުފާދެއްވާނޭކަން އިއުލާނުކުރައްވާފައިވަނީ މިއަދު ބޮޑުވަޒީރުގެ އޮފީހުގައި ބޭއްވި ނޫސްވެރިންގެ ބައްދަލުވުމުގެ ތެރެއިންނެވެ. އިސްތިއުފާދޭން ނިންމަވައި ކިޝިދާ ވިދާޅުވީ، ރައްޔިތުންގެ އިތުބާރާ ނުލައި ސިޔާސީ މައިދާނުގައި ކުރިއަށް ނުދެވޭނޭ ކަމަށާއި، މިވަގުތައް އެންމެ ރަނގަޅު ގޮތަކީ މަޤާމުން އިސްތިއުފާދެއްވުން ކަމަށެވެ.
މިއީ އިސްތިއުފާދޭންވީ ވަގުތު. މިފަދަ ބޮޑު ނިންމުމެއް ނިންމީ ރައްޔިތުންނާމެދު ވިސްނުމަށްފަހު އެއީ އެންމެރަނގަޅުގޮތްކަމަށް ފެންނާތީވެ
ކެޝިދާ ވިދާޅުވިއެވެ.
ކިޝިދާ ވިދާޅުވީ މިއީ ޕާޓީގެ ތެރެއިން އިތުރު ބޭފުޅަކަށް ފުރުސަތު ދޭންވީ ވަގުތު ކަމަށާއި، އޭނާގެ ފަރާތުން ފުރިހަމަ އެއްބާރުލުން ލިބޭނޭ ކަމަށެވެ. ލިބަރަލް ޑިމޮކްރެޓިކް ޕާޓީއަށް ނިސްބަތްވެ ވަޑައިގަންވަާ ކިޝިދީ މަޤާމުން އިސްތިއުފާދެއްވަން ނިންމަވާފައިމިވަނީވެސް ކޮރަޕްޝަނާއި، އަދި ޖަޕާނުގެ ސިޔާސީ މައިދާން ހަލަބޮލިވެ ޤައުމަށްވެސް ނޭދެވޭ ބަދަލުތަކެއް އަންނަން ފަށާފައިވަނިކޮށެވެ.
ކިޝިދާ އިސްތިއުފާ ދެއްވުމަށް ނިންމުމާ ގުޅިގެން އަންނަ ސެޕްޓެމްބަރުމަހު ލިބަރަލް ޑިމޮކްރެޓިކް ޕާޓީގެ ރައީސްކަމަށް އައު ބޭފުޅަކު އިންތިހާބުކުރުމަށް ވަނީ ނިންމާފައެވެ. ޖަޕާނުގެ ބޮޑުވަޒީރުކަމާ ކެޝިދާ ހަވާލުވެ ވަޑައިގެންނެވީ 2021 ވަނަ އަހަރެވެ.
Advertisement
This content is created and paid for by advertisers and does not involve Voice Journalists
