MPL kairee hunna us imaaraathakun anhenaku vettijje

އެމްޕީއެލް ކައިރީ ހުންނަ އުސް އިމާރާތަކުން އަންހެނަކު ވެއްޓިއްޖެ

14 Aug 2024 | 18:35

މީހާ ވެއްޓުނު އިމާރާތް..

އެމްޕީއެލް ކައިރީ ހުންނަ އުސް އިމާރާތަކުން މީހަކު ވެއްޓިއްޖެއެވެ.

ވޮއިސްއަށް މައުލޫމާތު ހިއްސާކުރަމުން އެވަގުތު އެތަނުގައި ހުރި މީހަކު ބުނީ، މީހަކު ވެއްޓިފައިވަނީ އެމްޕީއެލް ކުރިމަތީ ހުންނަ މ.ހަސޯވާ އިމާރާތުންނެވެ. ވެއްޓިފައިވަނީ އަންހެނެއްކަމަށްވެސް އޭނާ ބުންޏެވެ. ބެލެވޭގޮތުގައި އެމީހާ ވެއްޓިފައިވަނީ 9 ވަނަ ފަންގިފިލައިންނެވެ.

އިމާރާތުގެ މަތިންއެމީހާ ވެއްޓުނުތާ ކުޑައިރުކޮޅެއްގެ ތެރޭގައި ވަނީ އައިޖީއެމްއެޗަށް ގެންގޮސްފައެވެ. އެމީހާ ވެއްޓުނު ތަނުގައި ގިނަ އަދަދެއްގެ ލޭވެސް ހުރިކަމަށް ވޮއިސްއަށް މައުލޫމާތު ދިން މީހާ ބުންޏެވެ. ވީޑިއޯތަކުން ފެންނަ ގޮތުގައި އޭނާ ހޮސްޕިޓަލަށް ގެންގޮސްފައިވަނީ ޕިކަޕަކަށް ލައިގެންނެވެ.