ޑާކްރެއިން އެެންޓަމައިންޓުން ސިނަމާއަށް ނެރުމަށް ތައްޔާރުވަމުންދާ އެ ސްޓޫޑިއޯއިން އެންމެފަހުން ތައްޔާރުކުރި ފިލްމް "ބިބީ" ގެ ޕޯސްޓަރު ފުރަތަމަ ފަހަރަށް މިއަދު ދައްކާލައިފިއެވެ.
ރާއްޖޭގެ ފިލްމީ އިންޑަސްޓްރީގެ އެންމެ ކާމިޔާބު އަދި މިހާރު އެންމެބޮޑު އޯޑިއަންސެއް އޮންނަ ޑާކްރެއިން އެންޓަރޓައިންމަންޓުން މިފަހަރު ބެލުންްްްްތެރިންނާ ހަމަޔަށް ގެނެސްދިނުމަށް ތައްޔާރުވަމުންދާ "ބިބީ" މި ފިލްމަކީ ސިނަމާގެ ބަހުން ބުނާނަމަ، ހޮރޯ/ކޮމެޑީ ފިލްމެކެވެ. ފިލްމްގެ ޕޯސްޓަރަށް ބަލާލުމުންވެސް އެކަން ވަރަށް ރަނގަޅަށް އެނގެއެވެ. ޕޯސްޓަރުން ފެންނަ ކެރެކްޓަރ ތަކަށް ބަލާއިރު، ބިރުވެރި އަދި ހެއްވާ މަޖާ މަންޒަރުތައް ފެނިގެންދާއިރު، މި ފިލްމަކީ ޑާކްރެއިނުން މީގެ ކުރިން ގެނެސްދީފައިވާ ފިލްމްތަކާ މުޅިން ތަފާތު ފިލްމެކެވެ. ޑާކްރެއިނުން މީގެ ކުރިންވެސް ގެނެސްދީފައިވަނީ މުޅިން ތަފާތު ފިލްމުތަކެކެވެ. ފިލްމް ބަލާ އޯޑިއަންސަށް ޑާކްރެއިން ތަފާތުވަނީ މިހެންވެގެންނެވެ.
މި ފިލްމުގެ ޕޯސްޓަރު ޑިޒައިންކޮށްފައިވަނީ ހޫދު އިބްރާހިމެވެ. ޕޯސްޓަރުގެ ލެޓަރިން އަބޯޝަފީއުއެވެ. އަދި ފިލްމުގެ ޓައިޓުލް މިއުޒިކް ތައްޔާރުކޮށްދިނީ ހުސައިން ތައުފީގެވެ.
ޑާކްރެއިނުން މިއަދު ދައްކާލި "ބިބީ" ގެ ފުރަތަމަ ޕޯސްޓަރު...
އާއިޝަތު ފުއާދު އަދި މުހައްމަދު އަލީ (މޮގަ) ޕްރޮޑިއުސް ކުރާ "ބިބީ" މި ފިލްމް ލިޔެ ޑައިރެކްޓްކޮށްފައިވަނީ ޝަހުދާ މަހުމޫދެވެ. މިއީ އޭނާގެ ލިޔެ ޑައިރެކެޓްކުރާ ފުރަތަމަ ފީޗާ ފިލްމެވެ.
ފިލްމުގެ މެއިން ކާސްޓުންގެ ގޮތުގައި ފެނިގެންދާނީ މިހާރު ސިނަމާގައި އެންމެ ނަންހިނގާ އެކްޓަރު ޝަރަފު އަބްދުﷲ އާއި މަރިޔަމް މަޖުދާ (މަޖޫ) އެވެ. މި ފިލްމުން ތަޖުރިބާކާރު ފިލްމީތަރި ޝީލާ ނަޖީބުގެ އިތުރުން އިތުރު ތައާރަފަކަށް ބޭނުންނުވާ، އަހުމަދު ސައީދު، މަލީހާ ރަޒާން ރާމިޒުވެސް ފެނިގެންދާނެއެވެ. އަދި ހާއްސަ ފެނިލުމެއްގެ ގޮތުން ދިވެހި އެތައް ފިލްމަކުން ފެނިގެންދިޔަ ކުޅަދާނަ އެކްޓަރު އިސްމާއީލް ވަޖީހުވެސް މި ފިލްމުން ފެނިގެންދާނެއެވެ.
"ބިބީ" ސިނަމާގައި އެޅުވުމަށް ނިންމާފައިވަނީ އަންނަ އޮކްޓޫބަރުމަހުގެ 7 ވަނަ ދުވަހުއެވެ. މި ފިލްމް ވެގެންދާނީ ޑާކްރެއިނުން މިއަހަރު ބެލުންތެރިންނަށް ގެނެސްދޭ ދެވަނަ ފިލްމަށެވެ. ޑާކުރެއިނުން މިއަހަރު ގެނެސްދިން ފުރަތަމަ ފިލްމަކީ ތަފާތު ފިލްމެއްގެ ގޮތުގައި ގިނަބަޔަކު ފާހަގަކުރި "ފުރޭތަ" އެވެ.
ދިވެހި ފިލްމީ އިންޑަސްޓްރީއަށް 2006 ވަނަ އަހަރު ނިކުތް ޑާކްރެއިނަކީ މިހާރު މި އިންޑަރސްޓްރީގައި ނަގާކިޔާ އެންމެވަރުގަދަ ޕްރޮޑަކްޝަން ހައުސްއެވެ. މިހާތަނަށް ގިނަ އަދަދެއްގެ ފިލްމުތަކެއްގެ އިތުރުން ޑްރާމާ ސީރީޒްތައް ނެރެފައިވާ ޑާކްރައިން ފާހަގަކުރެވިފައިވަނީ ރާއްޖޭގެ ސިނަމާއަށް ފުރަތަމަ ފަހަރަށް ތްރީޑީ ފިލްމެއް ގެނެސްދިން ޕްރޮޑަކްޝަން ހައުސްގެ ގޮތުގައެވެ. ފިލްމު އުފެއްދުމުގެ އިތުރުން އިޖުތިމާއީގޮތުން ރައްޔިތުން ހޭލުންތެރިކަން އިތުރުކުރުމަށް ތަފާތުއެކި މެސެޖްތައް ލިބޭގޮތަށް ލަވައާއި ވީޑިއޯ ތައްޔާރުކުރުމުގައިވެސް ޑާކްރެއިން ފާހަގަކޮށްލެވެއެވެ.
Advertisement
This content is created and paid for by advertisers and does not involve Voice Journalists
