މިފްކޯއިން ކޮންމެ މަސްދޯންޏަކަށް ހިލޭ ތިން ޓަނު އައިސް ދިނުމަށް ނިންމައިފިއެވެ.
މިކަމާ ގުޅޭގޮތުން މިފްކޯއިން ބުނީ، މާދަމައިން ފެށިގެން ސްޓޮކް ހުސްވަންދެން ކޮންމެ ދޯންޏަކަށް ތިން ޓަނު އައިސް ދިނުމަށް ނިންމާފައިވާކަމަށެވެ. މަސްދޯނިތަކަށް އައިސް ދިނުމަށް ނިންމީ މަސްވެރިން މަހަށް ފުރުވުމަށް ހިތްވަރުދިނުމުގެ ގޮތުން ކަމަށް މިފްކޯއިން ބުނެއެވެ.
މިފްކޯއިން އައިސް ދޫކުރުމަށް ނިންމާފައިވަނީ، އެކުންފުނީގެ ހުރިހާ ސެންޓަރުތަކުންނާއި ތިނަދޫ އައިސް ޕްލާންޓުންނެވެ.
ނިމިގެންމިދިޔައީ ރާއްޖެއަށް މަސްވެރިކަން ވަރަށް ދަށް ދުވަސްކޮޅެކެވެ. މަސްވެރިކަން ދަށްވެލާފައި އޮތުމަށްފަހު މިދިޔަ ހަފްތާއިން ފެށިގެން އަނެއްކާވެސް މަސްވެރިކަން ރަނގަޅުވާން ފަށާފައިވާކަމަށް މަސްވެރިކަމާ ބެހޭ ވުޒާރާއިން ބުނެއެވެ.
Advertisement
This content is created and paid for by advertisers and does not involve Voice Journalists
