ކ.ތިލަފުށީގައި ހުންނަ މެރިންޑޯ ކުންފުނީގެ ވަރކްޝޮޕެއްގައި އަލިފާނުގެ ހާދިސާއެއް ހިނގައި ބޮޑެތި ގެއްލުންތަކެއް ލިބިއްޖެއެވެ.

އެތަނުގައި އަލިފާން ރޯވީ މީގެ ކުޑައިރުކޮޅެއް ކުރިންނެވެ. ވޮއިސްއަށް މައުލޫމާތު ލިބިފައިވާގޮތުގައި އެތަނުގައި ވަނީ ވަރަށްބޮޑަށް އަލިފާންރޯވެ ދަނީ އަނދަމުންނެވެ. އަލިފާންގަނޑު އެ ސަރަހައްދުގައި ހުރި އެހެން ތަންތަނަށްވެސް ފެތުރެމުންދާކަމަށް މައުލޫމާތު ލިބެއެވެ.

ވޮއިސްއަށް މައުލޫމާތު ދެމުން އެތަނުގައި ހުރި މީހަކު ބުނީ، ރޯވި ވަރކްޝޮޕަކީ ލޭތްކުރުމާއި ދަނގަޑުގެ އެކި މަސައްކަތްތައް ކުރާ ތަނެއް ކަމަށެވެ. އެތަނަކީ މީހުންވެސް އުޅޭ ތަނެކެވެ.

Advertisement

ހާދިސާ ހިނގުމުގެ ކުޑަ ވަގުތުކޮޅެއް ކުރިންވެސް އެތަނުގައި މީހުން އުޅުނުކަމަށް ވެއެވެ. އެތަނުގައި ރޯވި އަލިފާންގަނޑު ނިއްވާލާފައިވަނީ އެމްއެންޑީއެފާއި އާއްމުންގެ އެހީތެރިކަމާއެކުގައެވެ.

ތިލަފުށީގައި ހުންނަ މެރިންޑޯ ވަރކްޝޮޕްގައި ރޯވެ އަނދަނީ... ފޮޓޯ/ ވޮއިސް

މި ހާދިސާގައި އެކަކަށް ވަރަށްބޮޑަށް ދުމުގެ އަސަރުކޮށްގެން ވަނީ ފަރުވާ ހޯދާފައެވެ.

ތިލަފުށީގައި ހުންނަ މެރިންޑޯ ވަރކްޝޮޕްގައި ރޯވެ އަނދަނީ... ފޮޓޯ/ ވޮއިސް

މި ހާދިސާގައި ވަރކްޝޮޕް އަނދައިގެންގޮސް ބޮޑެތި ގެއްލުންތަކެއް ވަނީ ލިބިފައެވެ.