މަސާޖްޕާލާގެ ނަންނަމުގައި ހިންގަމުންދާ ތަންތަން ބަލާފާސްކުރުމުގައި ގެންގުޅޭ އުސޫލު މިއަދުން ފެށިގެން ހަރުދަނާކޮށްފައިވާކަމަށް ދާހިލީ ވަޒީރު އަލީ އިހުސާން ވިދާޅުވެއްޖެއެވެ.
ޤަވައިދާ ހިލާފަށް ރާއްޖޭގައި އުޅެމުންދާ ބިދޭސީންގެ ހޯދުމަށް މިހާރު ފަށާފައިވާ އޮޕަރޭޝަނުގައި ސަރުކާރުގެ ތިން ވުޒާރާއެއް ގުޅިގެން މިހާރު ކުރިއަށްދާ ނޫސްވެރިންގެ ބައްދަލުވުމުގައި ވާހަކަދައްކަވަމުން އިހްސާން ވިދާޅުވީ، މަސާޖް ޕާލާގެ ގޮތުގައި ފާހަގަކުރެވިފައިވާ ތަންތަން ބަލާފާސްކުރުމުގެ އުސޫލު މިހާރު ބަދަލުކޮށްފައިވާކަމަށެވެ.
މިނިސްޓަރު ވިދާޅުވީ، މީގެ ކުރިން މަސާޖު ޕާލާ ތަކުގައި ހަށިވިއްކުމުގެ އަމަލުތައް ހިންގާކަން ފާހަގަވެއްޖެނަމަ މިހާތަނަށް އަމަލުކުރަމުން އައިގޮތަކީ އެތަންތަނުގައި މަސައްކަތްކުރާ މީހުން ކަމާބެހޭ ފަރާތްތަކުގެ ބެލުމުގެ ދަށަށް ގެންގޮސްގެން މައްސަލަ ބެލުން ކަމަށެވެ. ނަމަވެސް ދެން ހަށިވިއްކާ ތަނެއްކަން އެނގިއްޖެނަމަ، އެތަނެއް ހިންގަމުންއައި ހުއްދަ ހިފަހައްޓާނޭކަން މިނިސްޓަރު ވިދާޅުވިއެވެ. އަދި މާލޭގައި ސްޕާގެ ވިޔަފާރި ހިންގުމުގެ ހުއްދަ ދީފައި ނުވާނޭކަމަށްވެސް މިނިސްޓަރުގެ ވާހަކަފުޅުގައި ވަނީ ފާހަގަކުރައްވާފައެވެ.
މާލޭގެ އެއްވެސް ތަނެއްގައި މަސާޖް ޕާލާ ހިންގުމުގެ ހުއްދަ ދީފައެއް ނޯންނާނެ
ދިފާއީ ވަޒީރު އިހުސާން ވިދާޅުވިއެވެ.
ވަޒީރު ވިދާޅުވީ ބިދޭސީން ލައްވައި ޤަވާއިދާ ހިލާފަށް މަސައްކަތް ކުރުވާނަމަ ހަމަޖެހިފައިވާ އުސޫލުގެ ތެރެއިން ފިޔަވަޅުތައް އަޅުއްވާނޭ ކަމަށެވެ. އަދި މިފަދަ ވިޔަފާރިތައް ހިންގާ ދިވެހިންނާމެދުވެސް ފިޔަވަޅު އަޅާނޭކަމަށާއި، ގަވައިދާ ހިލާފަށް މަސައްކަތްކުރާކަން ފާހަގަވާނަމަ އެތަނަކަށް ވަދެ އެމީހުން ހައްޔަރުކުރުމުގެ އިތުރުން މީގެފަހުން ނިކުންނާނީ ތަންވެސް ބަންދުކޮށްފައިކަމަށެވެ.
Advertisement
This content is created and paid for by advertisers and does not involve Voice Journalists
