ބޭންކް އޮފް މޯލްޑިވްސްގެ ބޯޑް ޑިރެކްޓަރުގެ މަގާމުން އާއިޝަތު ނޫރައްދީން ވަކިކޮށްފިއެވެ.

ޕްރައިވެޓައިޒޭޝަން އެންޑް ކޯޕަރަތައިޒޭޝަން ބޯޑު (ޕީސީބީ) އިން އާއިޝަތު ނޫރައްދީން ވަކިކުރިކަން އަންގައި، އޭނާއަށް ރަސްމީކޮށް އެކަން އަންގާފައިވަނީ މިދިޔަ ބްރާސްފަތި ދުވަހުކަމަށް ވޮއިސްއަށް ވަނީ މައުލޫމާތު ލިބިފައެވެ.

ބީއެމްއެލްއަކީ ހިއްސާގެ ބާޒާރުގައި ލިސްޓްކޮށްފައިވާ ކުންފުންޏަކަށް ވާތީ ބޯޑުން ޑިރެކްޓަރަކު ވަނިކުރުމަށްފަހު އައްޔަނުކުރުމަށް ހިއްސާދާރުންގެ ޖަލްސާއަކުންނެވެ.

Advertisement

އާއިޝަތު ނޫރައްދީނަކީ ބީއެމްއެލްގެ އެންމެ ދުވަސްވީ އެއް މުއައްޒަފެވެ. އާއިޝަތު ނޫރައްދީން ބީއެމްއެލް އާ ގުޅިނީ 1982 ވަނަ އަހަރެވެ. މިއަހަރަކީ އޭނާ ބީއެމްއެލްގައި ހޭދަކުރާ 42 ވަނަ އަހަރެވެ. މައި ހިއްސާދާރުގެ ފަރާތުން ތަމްސީލްކުރާ ޑިރެކްޓަރެއްގެ އިތުރުން އާއިޝަތު ނޫރައްދީނަކީ ބީއެމްްއެލްގެ ޑެޕިއުޓީ ސީއީއޯވެސް މެއެވެ. ބީއެމްްއެލްގެ މައި ހިއްސާދާރަކީ ސަރުކާރެވެ.

ބީއެމްއެލްގެ ބޯޑުން އާއިޝަތު ނޫރައްދީން ވަކިކުރުމާ ގުޅޭގޮތުން ޕީސީބީއަކުންވެސް އަދި ބީއެމްއެލްއަކުންވެސް ވަކި އެއްޗެއް ބުނެފައެއް ނުވެއެވެ.