ނިމިދިޔަ ޓްރެވަލް ޓްރޭޑް މޯލްޑިވްސް ގާލާ އިވެންޓްގެ ތެރެއިން އެލައިޑް އިންޝުއަރަންސުން 3 ފަރާތަކަށް ކޮމްޕްލިމެންޓަރީ އިންޝުއަރަންސް ޕްލޭންސް ހަދިޔާކޮށްފިއެވެ.
އަދާރަން ހުދުރަންފުށީގައި ކުރިޔަށް ދިޔަ މިއިވެންޓްގެ ތެރެއިން ނަސީބުވެރިން ހޮވާފައިވަނީ އިވެންޓަށް ދިޔަ ފަރާތްތަކުގެ މެދުގައި ނެގި ގުރުއަތަކުންނެވެ.
އެލައިޑްގެ އެންމެ ފުރިހަމަ، ޕްރިމިއަމް ވަރލްވައިޑް ޓްރެވަލް ޕްލޭން ލިބިފައިވަނީ އިބްރާހިމް ވަހީދާއި އަލީ ނާހިޒް އަށެވެ. ހެލްތް އިންޝުއަރަންސް ޕްލޭންތަކުގެ ތެރެއިން، އެންމެ މަތީ ގިންތީގެ "ސިލެކްޓް ގޯލްޑް" ލިބިފައިވަނީ މުހައްމަދު މިރުސާދު އަށެވެ.
އެލައިޑް އިންޝުއަރަންސް ކުންފުނީގެ ފަރާތުން މިޕްލޭންސް ހަވާލުކޮށްދެއްވާފައިވަނީ ކުންފުނީގެ ސީ.އޯ.އޯ ޔޫލިއާނާ ރުސޭއީއެވެ.
އެލައިޑް އިންޝުއަރަންސަކީ މިއަހަރުގެ ޓީޓީއެމްގެ އިންޝުއަރަންސް ޕާޓްނަރެވެ. މިފަހަރު ކުރިއަށްދިޔަ ޓީޓީއެމް ގާލާ އިވެންޓްގައި އެލައިޑުން ވަނީ އެކުންފުނިން ދެމުންގެންދާ އިންޝުއަރަންސް ސޮލިއުޝަންސް އާއި ބެހޭ ގިނަ ގުނަ މައުލޫމާތު ވަނީ އެގްޒިބިޓަރުންނާއި ހިއްސާކޮށްފައެވެ.
Advertisement
This content is created and paid for by advertisers and does not involve Voice Journalists
