އިންގްލެންޑް ޤައުމީޓީމުގެ ކުރީގެ ކޯޗް އެރިކްސަން ކެންސަރުބަލީގައި މަރުވެއްޖެ
އިންގްލެންޑް ޤައުމީ ފުޓްބޯޅަޓީމުގެ ކުރީގެ ކޯޗް ގޯރާން އެރިކްސަން މަރުވެއްޖެއެވެ.
އިނގިރޭސި މީޑިއާތަކުން ބުނީ އުމުރުން 76 އަހަރުގެ އެރިކްސަން މަރުވެފައިވަނީ, މިއަދު ހެނދުނުގެ ވަގުތެއްގައި ގޭގައި ކަމަށެވެ. އެރިކްސަން މެރުވީ ކެންސަރު ބައްޔަށް ފަރުވާކުރަމުން އަންނަތާ ދުވަސްތަކެއް ފަހުންނެވެ. އެރިކްސަން ފަރުވާހޯދަމުން ދިޔައީ ފުއްޕާމޭގެ ކެންސަރަށެވެ.
ސްވިޑެންއަށް އުފަން އެރިކްސަން އަކީ އިނގިރޭސި ޤައުމީޓީމްގެ ކޯޗް ކަމާ ހަވާލުވި ފުރަތަމަ ބިދޭސީ ކޯޗެވެ. އެރިކްސަންގެ ކުރިން އިނގިރޭސި ޓީމަށް ކޯޗްކަން ކޮށްދީފައިވަނީ މުޅިންވެސް އިނގިރޭސިންނެވެ.
އެރިކްސަންގެ ކޯޗްކަމުގައި އިނގިރޭސިން ވަނީ 2001 ވަނަ އަހަރުން ފެށިގެން 2006 ވަނަ އަހަރާ ހަމަޔަށް މުހިއްމު މުބާރާތްތަކުގެ ކުއާޓާފައިނަލުގައި ކުޅެފައެވެ.
އެރިކްސަން ވަނީ ޔޫރަޕްގެ މަޝްހޫރު ކްލަބްތަކަސް ކޯޗްކަންކޮށްދީފައެވެ. މީގެ ތެރޭގައި ބެންފީކާ، މެންޗެސްޓަރސިޓީ، ލާޒިއޯ، ރޯމާ، އަދި ފިއޮރެންޓީނާ ހިމެނެއެވެ. މި ޓީމްތަކާއެކު އޭނާ ވަނީ ކްލަބް ލެވެލްގައި ގިނަ ކާމިޔާބީތައް ހޯދާފައެވެ. މީގެ އިތުރުން އެރިކްސަން ވަނީ މެކްސިކޯ އަދި އައިވަރީ ކޯސްޓްގެ ހެޑްކޯޗުގެ މަގާމު އަދާކޮށްފައެވެ.
Advertisement
This content is created and paid for by advertisers and does not involve Voice Journalists
