ޤައުމީ ބޭންކުން އިއްޔެ އިދިކޮޅު ސިޔާސީފަރާތާ ގުޅިގެން އިއްޔެ އުޅުނީ ބަގާވާތެއްކުރަންކަމަށް ފިޝަރީޒް މިނިސްޓަރު އަހުމަދު ޝިޔާމް ތުހުމަތުކުރައްވައިފިއެވެ.
ބޭންކް އޮފް މޯލްޑިވްސް އިން އިއްޔެ ވަނީ ރުފިޔާ ކާޑަށް ޑޮލަރު ދޫކުރުން ހުއްޓާލައި، ކްރެޑިޓް ކާޑުގެ ލިމިޓް 100 ޑޮލަރަށް ދަށްކޮށްފައެވެ. ނަމަވެސް ބީއެމްއެލުން ފަހުން ވަނީ މަރުކަޒީ ބޭންކުގެ އިރުޝާދާ އެއްގޮތަށް އެ ނިންމުން އަނބުރާ ގެންގޮސްފައެވެ.
ޕީއެންސީ ޖަގަހައިގައި މިހާރު ކުރިއަށްދާ ޖަލްސާގައި ވާހަކަދައްކަވަމުން ފިޝަރީޒް މިނިސްޓަރު އަހުމަދު ޝިޔާމް ވިދާޅުވީ، ދިވެހި ޤައުމީ ބޭންކުން އިއްޔެ އިދިކޮޅު ސިޔާސީފަރާތްތަކާ ގުޅިގެން ބަގާވާތެއް ކުރުމަށް މަސައްކަތްކޮށްފައިވާކަމަށެވެ. ރޭވިގެން ހިންގަން އުޅުނު މި ބަގާވާތް ނާކާމިޔާބުވީ، ރައީސް ޑރ.މުހައްމަދު މުއިއްޒުގެ ހިކުމަތްތެރިކަމުގެ ސަބަބުންކަމަށާއި، އެނގިގެން މި ދިޔައީ ރައީސް މުއިއްޒުއަކީ ކޮންމެފަދަ ކަމަކާ ކުރިމަތިލައްވަން ޖެހުނު ނަމަވެސް ސާބިތުކަމާއެކު ކުރިއަށްދާނޭ ލީޑަރެއްކަން ކަމަށް ޝިޔާމް ވިދާޅުވިއެވެ.
ޝިޔާމް ވިދާޅުވީ އެމްޑީޕީން ހިންގަން އުޅުނީ މާލީ ބަގާވާތެއް ކަމަށާއި މިއީ ވަރަށްބޮޑަށް ރޭވިގެންދިޔަ ކަމެއް ކަމަށެވެ. ދިވެހި ރައްޔިތުންގެ ޕާޓީ ނަމުގައި އިދިކޮޅުން ކުރަން އުޅޭ ކަންކަމުގެ ނިޔަތް ރަނގަޅުނޫންކަން ފާހަގަކުރައްވަމުން ޝިޔާމް ވިދާޅުވީ އެ ބޭފުޅުންގެ އަމަލުތައް އެގޮތަށް ހުރީތީވެ ހިތާމަކުރާކަމަށެވެ.
Advertisement
This content is created and paid for by advertisers and does not involve Voice Journalists
