ހަށިވިއްކުމުގެ ވިޔަފާރި ކުރި 4 ބިދޭސީއަކު ރާއްޖެއިން ޑީޕޯޓްކޮށްފިއެވެ
މިކަމާ ގުޅިގެން އިމިގްރޭޝަނުން އެކްސްގައި ކުރި ޕޯސްޓެއްގައި ބުނެފައިވަނީ، ރާއްޖޭގައި ފުޅާދާއިރާއެއްގައި ހަށިވިއްކުމުގެ ވިޔަފާރިކުރަމުންދިއަ ބިދޭސީންނާއި ގުޅިގެން ފުލުހުންގެ އިންޓެލްއަށް ލިބުނު މައުލޫމާތަކާ ގުޅިގެން އިމިގްރޭޝަނާއި ފުލުހުން ގުޅިގެން އޮގަސްޓްމަހުގެ 11 ވަނަ ދުވަހު ހާއްސަ އިންސްޕެކްޝަނެއް ހިންގާފައިވާކަމަށެވެ.
މި އިންސްޕެކްޝަނުގައި މިކަމުގައި ޝާމިލްވާ ބިދޭސީ 03 އަންހެނުންނާއި އެމީހުންގެ އެޖެންޓުގެ ގޮތުގައި މަސައްކަތް ކުރަމުންދިއަ ބިދޭސީ ފިރިހެނަކު އިމިގްރޭޝަން ބެލުމުގެ ދަށަށް ގެނެސްފައިވާކަމަށް އިމިގްރޭޝަނުން ބުނެއެވެ.
އެގޮތުން ތަހުޤީޤުތައް ކުރުމަށްފަހު މިހާރު އެ އެންމެން ރާއްޖެ އަނބުރާ ނާދެވޭ ގޮތަށް ޑީޕޯޓްކޮށްފައިވާކަމަށް އިމިގްރޭޝަނުން ބުންޏެވެ.
ރާއްޖޭގައި ޤަވާއިދާ ހިލާފަށް މަސައްކަތްކުރަމުންގެންދާ ބިދޭސީން ހޯދުމަށް އިމިގްރޭޝަނުން ވަނީ، ސަރުކާރުގެ މުއައްސަސާތަކާ ގުޅިގެން ވަރުގަދަ އޮޕަރޭޝަނެއް ފަށާފައެވެ.
Advertisement
This content is created and paid for by advertisers and does not involve Voice Journalists
