އަންހެނަކު ރަހީނު ކުރި މައްސަލާގައި ފުލުހުން ހައްޔަރު ކުރި މީހާ މަރުވި ކަމަށް ބުނެ ފަތުރަމުންދާ ޚަބަރު ފުލުހުން ދޮގު ކޮށްފިއެވެ.

މިދިޔަ ބުރާސްފަތި ދުވަހުގެ ރޭ މާފަންނުގެ ގެއެއްގައި އަންހެނަކު ރަހީނުކޮށް ވަޅިިން ބިރުދައްކައިގެން އުޅުނު އަހުމަދު އަތުހަރު، ހެޕީލޭންޑް، ށ. މިލަންދޫ ދަންޖެހިގެން މަރުވެފައިވާ ކަމަށް މިރޭ ނޫހަކުން ވަނީ ރިޕޯޓް ކޮށްފައެވެ. 

އެވާހަކަ ދޮގުކުރައްވައި ފުލުހުންގެ ތަރުޖަމާނު އަހުމަދު ޝިފާން އެކްސްގައި ކުރެއްވި ޕޯސްޓެއްގައި ވަނީ، އެ މީހާ އަމިއްލައަށް މަރުވާން މަސައްކަތް ކޮށްފައިވާ ކަން ކަށަވަރު ކޮށްދެއްވާފައެވެ.

Advertisement

އަދި އެއާއެކު އޭނާ ހޮސްޕިޓަލަށް ގެންދެވުނު ކަމަށާ މިވަގުތު އޭނާ އަށް ދަނީ ހޮސްޕިޓަލުގައި ފަރުވާ ދެމުން ކަމަށްވެސް ވިދާޅުވިއެވެ. 

”ހޮސްޕިޓަލުން މައުލޫމާތު ދެނީ އޭނާ ދިރިހުރި ކަމަށް.“ ޝިފާން ވިދާޅުވިއެވެ.

އަންހެނަކު ރަހީނުކޮށް ބިރުދެއްކުމަށްފަހު އަތުހަރު މަސައްކަތް ކުރީ، އަންހެން މީހާ ގޮވައިގެން ފިލާށެވެ. 

އެގޮތުން އަންހެން މީހާގެ ކަރުގައި ވަޅި ޖައްސައިގެން ސައިކަލަކަށް އަރުވައި، ސައިކަލު ދުއްވަން އަންހެން މީހާއަށް މަޖުބޫރުކުރުވިއެވެ. ނަމަވެސް، އެ ސަރަހައްދުން އޭނާ ދިޔުމުގެ ކުރިން ފުލުހުން ވަނީ ސައިކަލުގެ ފަހަތުގައި ފިރިހެން މީހާ އިންދާ ބާރުގެ ބޭނުން ކޮށްގެން އޭނާ ބިންމައްޗަށް ވައްޓާލައިފައެވެ.

އަދި އެފަހުން އޭނާ އަށް ދެފަހަރެއްގެ މަތިން ހޮސްޕިޓަލުގައި ފަރުވާ ދީފައުވާއިރު، އޭނާގެ ޣައިރު ހާޒިރުގައި ކޯޓުންވަނީ ޝަރީއަތް ނިމެންދެން އޭނާ ބަންދު ކުރުމަށް ހުކުމް ކޮށްފައެވެ. 

ތަފްސީލް އަންނަނީ…