އުރީދޫ އިން އިންތިޒާމްކޮށްގެން ކުރިއަށްގެންދާ މަސްރޭސް، މާދަމާ ޅ.ނައިފަރުގައި ފަށާގޮތަށް ހަމަޖެހިއްޖެއެވެ.

ނައިފަރުގައި ކުރިއަށްގެންދާ މި ހަރަކާތުގައި ޖުމްލަ 19 ޓީމެއް ބައިވެރިވެއެވެ.

އުރީދޫ މަސްރޭސް މިފަހަރު ރާއްޖޭގެ ތިން ސަރަހައްދެއްގައި ކުރިއަށްގެންދެއެވެ. އެއީ ތިނަދޫގެ އިތުރުން ކ.ހިންމަފުއްޓާއި ޅ. ނައިފަރުގައެވެ. މީގެ ތެރެއިން ހިންމަފުއްޓާއި ތިނަދޫސިޓީގައި ކުރިއަށްގެންދިޔަ މަސްރޭސް ނިންމާލާފައިވާއިރު، ދެ ހަރަކާތަށް ވެސް ވަރަށް ބޮޑު ތަރުހީބެއް ވަނީ ލިބިގެން ގޮސްފައެވެ.

މަސްރޭހުގައި ޓީމުތަކަށް ޕޮއިންޓްސް ދިނުމުގައި ބަލާނީ، ބޭނިމަސް ނިސްބަތްވާ ކެޓަގަރީއާއި ބަރުދަނަށެވެ. އެގޮތުން ކޮންމެ ކެޓަގަރީއަކުން ބޭނިމަހުގެ ބަރުދަން ގުނަ ކެޓަގަރީ ޕޮއިންޓް އަކީ ކެޓަގަރީއަށް ލިބުނު ޖުމްލަ ޕޮއިންޓެވެ. ޓީމުގެ އަސްލު ޕޮއިންޓްގެ ގޮތުގައި ބެލެވޭނީ ހުރިހާ ކެޓަގަރީއެއްގެ ޖުމްލަ އެއްކުރުމުން އަންނަ ޢަދަދެވެ.

މަސްރޭހުގައި ޕޮއިންޓްދޭނެ ގޮތް--

މިފަހަރުގެ މަސްރޭހުގެ އެކި އިނާމްތަކަށް އެއް ލައްކައަށްވުރެ ގިނަ ރުފިޔާ ދިނުމަށް ނިންމާފައިވާއިރު، ކޮންމެ ސަރަހައްދަކުން އެއްވަނައަށްދާ ޓީމަކަށް 25،000 ރުފިޔާ، ދެވަނަ ޓީމަށް 10،000 ރުފިޔާ އަދި ތިންވަނަ ޓީމަށް 5,000 ރުފިޔާ ވަނީ ކަނޑައަޅާފައެވެ.

ޓީމް ވަނަތަކުގެ އިތުރުން އެންމެމޮޅު ފިރިހެން އަދި އަންހެން މަސްވެރިޔާވެސް ހޮވުމަށް ހަމަޖެހިފައިވާއިރު، އެންމެ މޮޅު އަންހެން މަސްވެރިއަކަށް 1،000 ރުފިޔާ އަދި އެންމެ މޮޅު ފިރިހެން މަސްވެރިޔާއަށްވެސް ވަނީ 1،000 ރުފިޔާގެ ފައިސާގެ އިނާމް އުރީދޫގެ ފަރާތުންދޭ ގޮތަށް ވަނީ ހަމަޖެހިފައެވެ.