އުރީދޫ އިން ޅ. ނައިފަރުގައި އިންތިޒާމްކޮށްގެން ކުރިއަށްގެންދިޔަ މަސްރޭހުގެ ޗެމްޕިއަންކަން "ހުސްބުޅި" ހޯދައިފިއެވެ.

ނައިފަރުގައި އިއްޔެ ކުރިއަށް ގެންދިޔަ މި ހަރަކާތުގައި 19 ޓީމެއް ބައިވެރިވެފައިވާއިރު، ޓީމްތަކުގެ މެދުގައި ވާދަވެރި މަސްވެރިކަމަކަށް ފަހު، ޗެމްޕިއަން ޓީމަށާއި އެހެނިހެން ވަނަތައް ހޯދި ޓިމުތަކަށާއި މަސްވެރިންނަށް ވަނީ ހާއްސަ ގިނަ އެވޯޑުތަކެއް ދީފަ އެވެ.

މިގޮތުން ނައިފަރުގައި ކުރިއަށް ގެންދިޔަ މަސްރޭހުގައި ވަނަތަކަށް ދިޔަ ޓީމުތަކާއި ފަރާތްތަކަކީ:

Advertisement

1) ޗެެމްޕިއަން ޓީމް: 921.4 ޕޮއިންޓާއެކު ހުސްބުޅި

2) ދެވަނަ ޓީމް: 698.45 ޕޮއިންޓާއިއެކު ޗިލް ބްރޯޒް

3) ތިންވަނަ ޓީމް: 438.3 ޕޮއިންޓާއިއެކު ޓީމް ކޮރަކަލި

4) އެންމެ ބަރު މަސް: މުހައްމަދު ނަޝީދު ، ޓީމް އަލިފަސް – 9.4 ކިލޯގެ މުޑަ ހަނދި

އެންމެ މޮޅު ކެޔޮޅު – ފިރިހެން: އަލި އަބްދުﷲ (ޗިލް ބްރޯޒް) 24 މަސް

އެންމެ މޮޅު ކެޔޮޅު – އަންހެން:ޖަވާދާ އަހްމަދު (ޓީމް ކޮރަކަލި) 15 މަސް

މި މަސްރޭހުގައި ކޮންމެ ސަރަހައްދަކުން އެއްވަނައަށްދާ ޓީމަކަށް 25،000 ރުފިޔާ، ދެވަނަ ޓީމަށް 10،000 ރުފިޔާ އަދި ތިންވަނަ ޓީމަށް 5,000 ރުފިޔާ ވަނީ ކަނޑައަޅާފައެވެ.

ޓީމް ވަނަތަކުގެ އިތުރުން އެންމެމޮޅު ފިރިހެން އަދި އަންހެން މަސްވެރިޔާވެސް ހޮވުމަށް ހަމަޖެހިފައިވާއިރު، އެންމެ މޮޅު އަންހެން މަސްވެރިއަކަށް 1،000 ރުފިޔާ އަދި އެންމެ މޮޅު ފިރިހެން މަސްވެރިޔާއަށްވެސް ވަނީ 1،000 ރުފިޔާގެ ފައިސާގެ އިނާމް އުރީދޫގެ ފަރާތުންދޭ ގޮތަށް ވަނީ ހަމަޖެހިފައެވެ.

މަސްރޭހުގައި ޓީމުތަކަށް ޕޮއިންޓްސް ދިނުމުގައި ބަލާނީ، ބޭނިމަސް ނިސްބަތްވާ ކެޓަގަރީއާއި ބަރުދަނަށެވެ. އެގޮތުން ކޮންމެ ކެޓަގަރީއަކުން ބޭނިމަހުގެ ބަރުދަން ގުނަ ކެޓަގަރީ ޕޮއިންޓް އަކީ ކެޓަގަރީއަށް ލިބުނު ޖުމްލަ ޕޮއިންޓެވެ. ޓީމުގެ އަސްލު ޕޮއިންޓްގެ ގޮތުގައި ބެލެވޭނީ ހުރިހާ ކެޓަގަރީއެއްގެ ޖުމްލަ އެއްކުރުމުން އަންނަ ޢަދަދެވެ.

އުރީދޫ މަސްރޭސް މިފަހަރު ރާއްޖޭގެ ތިން ސަރަހައްދެއްގައި ކުރިއަށްގެންގޮސްފައިވާއިރު،  އެއީ ތިނަދޫގެ އިތުރުން ކ.ހިންމަފުއްޓާއި ޅ. ނައިފަރުގައެވެ. މި ހުރިހާ މަސްރޭސް ތަކަކަށް ވެސް ވަރަށް ބޮޑު ތަރުހީބެއް ލިބިފައިވާކަން ފާހަގަކޮށްލެވެއެވެ.