ފާއިތުވެ ދިޔަ ދުވަސްތަކުގައި އާއްމުންގެ ތެރޭގައި އެންމެ ބޮޑު ސުވާލަކަށް ވެފައި އޮތީ ރާއްޖޭގެ އެކި ހިސާބުތަކުގައި ހަރުކޮށްފައިވާ "ލިބޭ" ޕޯސްޓަރުތަކުގެ ވާހަކައެވެ.

އެ "ލިބޭ" އެއްޗަކާއި މެދު ގިނަ ބަޔަކު ސުވާލު އުފައްދަމުން ދަނިކޮށް، މި ސުވާލުގެ ޖަވާބު މިއަދު މިވަނީ އުރީދޫ އިން ދޫކޮށްލި ވީޑިއޯ އަކުން ހާމަކޮށްފައެވެ.

މި ވީޑިއޯގައި "ލިބޭ" ޕޯސްޓަރު ތަކަށް "5G" ޖަހާފައި އިންނަ ބޮޅެއް އިތުރުކޮށްލާތަން ފެންނައިރު، އޭގެ މާނައަކީ ރާއްޖޭގެ 60 އިންސައްތައަށް އުރީދޫގެ ސުޕަރ ފާސްޓް، 5G އިންޓަނެޓް މިހާރު ލިބޭ ވާހަކައެވެ.

Advertisement

އުރީދޫ އިން އެ ކުންފުނީގެ 9 ވަނަ އަހަރީ ދުވަހު، 2022 ގައި ފުރަތަމަ ފަހަރަށް މުޅި މާލެއަށް އެކަނި ދޫކޮށްލި 5G ސްޕީޑްގެ އިންޓަނެޓް ރާއްޖޭގެ 60 އިންސައްތައަށް މިހާރު ލިބޭކަން ހާމަކޮށްފައިވާއިރު، މި މަސައްކަތުގެ ފޭސް ތިނެއްގައި 100 އިންސައްތަ ކަވަރޭޖް ހާސިލްކުރެވޭނެކަމަށް އެ ކުންފުނިން ވަނީ ބުނެފައެވެ. 

މިއާއިއެކު، އުރީދޫއިން ވަނީ ޑިޖިޓަލް އިނޮވޭޝަންގެ ލީޑަރެއްގެ ހައިސިއްޔަތުން، ހަލުވި ސްޕީޑާއި، ލެޓެންސީ ދަށްވެ، ރާއްޖޭގެ އެކި ކަންކޮޅުތަކުގައި ތިބި ކަސްޓަމަރުންނަށް ރަނގަޅު 5ޖީ ނެޓްވޯކެއްގެ އެކްސްޕީރިއަންސެއް ލިބިގެންދާނެކަން ފާހަގަކޮށްފައެވެ.

މިއާއެކު އުރީދޫ ވެގެންގޮސްފައިމިވަނީ ރާއްޖޭގައި 5G ހިދުމަތްދޭ އެންމެ ބޮޑު ނެޓްވޯކަށް ކަން ފާހަގަކޮށްލަން ޖެހެއެވެ.