ކުޑަކުއްޖަކަށް ޖިންސީ ގޯނާ ކުރި މީހަކު 12 އަހަރަށް ޖަލަށްލާން ކްރިމިނަލް ކޯޓުން ހުކުމްކޮށްފިއެވެ.
ކުޑަކުއްޖަކާއެކު ޖިންސީ ޢަމަލެއް ހިންގުމުގެ ކުށުގެ ދައުވާގައި ކްރިމިނަލް ކޯޓުން ހުކުމްކޮށްފައިވަނީ މުޙައްމަދު ދާއޫދު، އިމޭޖު / ރ.މާކުރަތުގެ މައްޗަށެވެ.
މި މައްސަލައަކީ ކުޑަކުއްޖެއްގެ މަސްލަހަތު ހިމެނޭ މައްސަލައަކަށްވާތީ، ރިޕޯޓް ވެބްސައިޓަށް އަޕްލޯޑް ކުރެވިފައި ނުވި ނަމަވެސް، ކްރިމިނަލް ކޯޓުން ޝަރީޢަތް ނިމުނުގޮތް ހިއްސާކުރަމުން ބުނީ، ކުޑަކުދީންނަށް ޖިންސީ ގޯނާކުރާ މީހުންނާމެދު ޚާއްޞަ އުޞޫލުތަކަކަށް ޢަމަލުކުރުމުގެ ޤާނޫނު ގެ 3 ވަނަ މާއްދާގެ (ނ) ގެ ދަށުން،މުޙައްމަދު ދާއޫދު، 12 އަހަރު ދުވަހުގެ މުއްދަތަށް ޖަލަށްލުމަށް ޙުކުމްކޮށްފައިވާ ކަމަށެވެ.
މީގެ އިތުރުންވެސް އޭނާގެ މައްޗަށް އޮރިޔާންކާޑު ގެންގުޅުނު ކަމުގެ ދައުވާ އުފުލާފައިވާއިރު، އެކަމާއި ގުޅިގެން ކްރިމިނަލް ކޯޓުން ވަނީ ފޯނުގައި އޮރިޔާން މަންޒަރު ހިމެނޭ ފޮޓޯއާ ވީޑިއޯ ގެންގުޅުނު ކަމަށް ބުނެ، ދައުލަތުގެ ފަރާތުން ހުށަހެޅި ނަމަވެސް، މުޙައްމަދު ދާއޫދުގެ މައްޗަށް ދިވެހިރާއްޖޭގައި އޮރިޔާންކާޑު ގެންގުޅުމުގެ ކުށުގެ ދަޢުވާ ސާބިތުނުވާ ކަމަށް ޙުކުމްކޮށްފައިއެވެ.
Advertisement
This content is created and paid for by advertisers and does not involve Voice Journalists
