ޗައިނާ އިން މި އަހަރުގެ މިހާތަނަށް ދެ ލައްކައަށްވުރެ ގިނަ ފަތުރުވެރިން ރާއްޖެ ޒިޔާރަތްކޮށްފައި ވާކަމަށް މިނިސްޓްރީ އޮފް ޓޫރިޒަމްގެ ތަފާސް ހިސާބުތަކުން ދައްކައިފިއެވެ.

މިނިސްޓްރީގެ ތަފާސްހިސާބުތައް ދައްކާގޮތުގައި އަހަރުގެ މިހާތަނަށް ޗައިނާއިން ރާއްޖެއަށް ޒިޔާރަތް ކޮށްފައިވަނީ 202000 ފަތުރުވެރިންނެވެ. މިއީ މިއަހަރު މިހާތަނަށް ރާއްޖެއަށް ޒިޔާރަތް ކުރި ފަތުރުވެރިންގެ 14.6 އިންސައްތައެވެ.

- ޗައިނާ - 202،000 ފަތުރުވެރިން

- ރަޝިއާ - 149،900 ފަތުރުވެރިން

- އިނގިރޭސިވިލާތް 119،100 ފަތުރުވެރިން

- އިޓަލީ 102،400 ފަތުރުވެރިން

- ޖަރުމަނު 97،800 ފަތުރުވެރިން

- އިންޑިއާ 83،000 ފަތުރުވެރިން

- އެމެރިކާ 47،100 ފަތުރުވެރިން

- ފްރާންސް 39،600 ފަތުރުވެރިން

- ސްޕެއިން 30،700 ފަތުރުވެރިން

- ސްވިޓްޒަލޭންޑް 26،000 ފަތުރުވެރިން

ރާއްޖެއަށް އެވަރެޖްކޮށް ދުވާލަކު 5،500 ފަތުރުވެރިން މިހާރު ޒިޔާރަތްކުރެ އެވެ.

ސަރުކާރުން މިއަހަރަށް ފަތުރުވެރިކަމުގެ ސިނާއަތަށް ކަނޑައަޅާފައިވާ އަމާޒަކީ އަހަރު ނިމުމުގެ ކުރިން ދެ މިލިއަން ފަތުރުވެރިން ރާއްޖެއަށް ޒިޔާރަތްކުރުވުމެވެ.