އއ. ރަސްދޫގައި ބަރަހަނާ ފިލްމު ކުޅުނު ކަމަށް ބުނާ މައްސަލައިގެ ހަޤީޤަތް ހޯދުމަށް ފުލުހުން ތަޙުޤީޤުކުރަން ފަށައިފިއެވެ.

އއ. ރަސްދޫގެ އާންމު ތަންތަނުގައި ބަރަހަނާ ފިލްމުތަކެއް ކުޅުނު ކަމަށް ބުނާ މައްސަލައެއް ސޯޝަލް މީޑިއާގައި މިހާރު ވަނީ ފެތުރިފައެވެ. އެކަމާގުޅޭ ފޮޓޯތަކެއްވެސް ދަނީ ދައުރުވަމުންނެވެ. މި މައްސަލައާ ގުޅޭގޮތުން ސޯޝަލް މީޑިއާގައި ވާހަކަތަކެއް ދައުރުވަމުންދާތީ، ބަލަންޖެހޭ ކަންކަން ބަލަމުންދާ ކަމަށް ފުލުހުން ބުނެފައިވެއެވެ.

އެހެންނަމަވެސް، ރަސްދޫގެ މަގުތަކާއި ބީޗުގައި ޓޫރިސްޓުންތަކެއް ބަރަހަނާ ފިލްމުތަކެއް ކުޅުނު ކަމުގެ ރަސްމީ ޝަކުވާއެއް އަދި ފުލުހުންނަށް ލިބިފައިނުވާކަން ފާހަގަކޮށްފައިވެއެވެ. ސޯޝަލް މީޑިއާގައި އަޑުފެތުރިފައިވާ ގޮތުން، މި ޢަމަލު ހިންގާފައިވަނީ ރަޝިއާގެ ދެ ޖިންސުގެ ބަޔަކު ކަމަށް ބެލެވެއެވެ.

Advertisement

މި މައްސަލައާ ގުޅޭ އިތުރު ތަފްސީލެއް ފުލުހުން ހާމަކޮށްފައެއް ނުވެއެވެ. ނަމަވެސް، މީގެ ކުރިންވެސް ފަތުރުވެރިންތަކެއް ރާއްޖޭގައި އަޚްލާޤީ ގޮތުން ދަށް ފެންވަރުގެ ޢަމަލުތަކެއް ފެންނަ ވީޑިއޯއެއް ޝޫޓްކުރި މައްސަލައެއް ހޫނުވެފައިވާކަން ފާހަގަކުރެވެއެވެ.