ހުކުރު ނަމާދު ފަދަ ޖަމާޢަތް ބޮޑު ނަމާދުތަކުގައި ސުންނަތްވެގެންވާ ގޮތަކީ ކުރުކޮށް ކިޔެވުންންކަމަށް އިސްލާމިކް މިނިސްޓަރ ޑރ. މުޙައްމަދު ޝަހީމް ޢަލީ ސަޢީދު ވިދާޅުވެއްޖެއެވެެ.
ޑރ. ޝަހީމް މިއަދު މީސްމީޑިއާގައި ކުރެއްވި ޕޯސްޓެއްގައި ވަނީ، ބައެއް ޚަޠީބުން ހުކުރު ނަމާދު ފަދަ ޖަމާޢަތް ބޮޑު ނަމާދުތަކުގައި ވަރަށް ދިގުކޮށް ކިޔަވާކަމަށް ޝަކުވާ އަންނަކަން ފާހަގަކުރައްވާފައެވެ.
ޝަހީމް ވިދާޅުވީ ޖަމާޢަތުގައި ބަލިމީހުންނާއި އުޒުރުވެރިން އަދި ކުޑަކުދިން ތިބޭނެކަން އިމާމުގެ ހަނދާނުގައި ބެހެއްޓުން މުހިންމު ކަމަށެވެ.
"ވިއްސާރަވާ އިރު ވިއްސާރައިގައާއި ގަދަ އަވިދޭ އިރު އަވީގައި ވެސް ޖަމާޢަތުގެ ބޮޑު ބައެއް އޮވޭ. މިފަދަ ކަންކަމާމެދު ސަމާލުވުމަކީ ފިޤުހުވެރިކަމުގެ ތެރެއިންވާ ކަމެއް،" ޑރ. ޝަހީމް ވިދާޅުވިއެވެ.
ޝަހީމް މިހެން ވިދާޅުވެފައި ވާއިރު، ހުކުރު ވަގުތުގެ ގަދަ އަވީގައި، ޚާއްސަކޮށް މާލެ ހުޅުމާލޭގައި ގިނަ ބަޔަކު މިސްކިތުން ބޭރުގައިވެސް ނަމާދު ކުރަން ތިބޭއިރު، ދިގުކޮށް ކިޔަވާ ކަމުގެ ޝަކުވާ ދޭތެރެއިން މީސްމީޑިއާގައި މީހުން ފާޅުލުރެއެވެ.
Advertisement
This content is created and paid for by advertisers and does not involve Voice Journalists
