ގްލޯބަލް އިސްލާމިކް ފައިނޭންސް ލީޑަރޝިޕް އެވޯޑް ދިވެހިރާއްޖެއަށް ލިބިއްޖެއެވެ.

މިދިޔަ އަންގާރަ ދުވަހު، ވިލާ ނޮޓިކާ ރިސޯޓްގައި ބޭއްވި ގްލޯބަލް އިސްލާމިކް ފައިނޭންސް އެވޯޑްސް ދިނުމުގެ ހަފްލާގައި، ރާއްޖޭއަށް ވަނީ "14 ވަނަ ގްލޯބަލް އިސްލާމިކް ފައިނެންސް ލީޑަޝިޕް އެވޯޑު 2024" ގެ ޝަރަފުވެރި އިނާމު އަރުވައިފައެވެ. ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ފަރާތުން މި މި އެވޯޑާ ހަވާލުވެވަޑައިގެންނެވީ، ރާއްޖޭގެ މާލީ ވަޒީރު ޑރ. މުޙައްމަދު ޝަފީޤުއެވެ. 

މި އިނާމު ރާއްޖެއަށް ލިބިފައިވަނީ އިސްލާމިކް ފައިނޭންސް ކުރިއަރުވަން ރާއްޖެއިން މަސައްކަތްކުރަމުންދާ މިންވަރު ދެނެގަނެ މިހާތަނަށް ލިބިފައިހުރި ކާމިޔާބީތަކުގެ އަގު ވަޒަންކޮށް ދެމެހެއްޓެނިވި ގޮތެއްގައި އިސްލާމިކް ފައިނޭންސް ކުރިއަރުވަން ކުރަމުންދާ މަސައްކަތްތަކަށް ބިނާކޮށެވެ.

Advertisement

ގްލޯބަލް އިސްލާމިކް ފައިނޭންސް އެވޯޑްސް ދިނުމު ދުނިޔޭގެ އެކި ކަންކޮޅުތަކުން އިސްލާމިކް ބޭންކިންގ އަދި ފައިނޭންސް ދެމެހެއްޓެނެވި ގޮތަކަށް ކުރިއަރުވަން މަސައްކަތްކުރަމުން އަންނަ ޤައުމުތަކާއި، މުއައްސަސާތަކާއި، ފަރުދުންގެ އަގުވަޒަންކޮށް ކޮންމެ އަހަރަކު ބާއްވަމުން އަންނަ ބައިނަލްއަޤްވާމީ އިނާމެކެވެ.