ހެލްތު މިނިސްޓްރީގެ ހުއްދަ ނެތި ހިޖާމާ ޖަހައިދެމުންދާތީ ފަޒީސް ހިޖާމާ ކްލިނިކްގެ މައްސަލަ ފުލުހުން ބަލަންފަށައިފިއެވެ.
ފުލުހުން ބުނީ، ހުޅުމާލޭގައި ހެލްތު މިނިސްޓްރީގެ ހުއްދަ ނެތި ހިޖާމާ ޖެހުމުގެ ޚިދުމަތް ދެމުންދާ ކްލިނިކެއްގެ މައްސަލަ ބެލުމަށް ހެލްތު މިނިސްޓްރީން އެދުމާ ގުޅިގެން ފުލުހުން އެ މައްސަލަ ތަޙުޤީޤު ކުރަމުންދާ ކަމަށެވެ.
މައުލޫމާތު ލިބިފައިވާ ގޮތުގައި ފުލުހުން ބަލަމުންދަނީ ފަޒީލާ އުސްމާންގެ ހިޖާމާ ކްލިނިކްގެ މައްސަލައެވެ.
ހެލްތު މިނިސްޓްރީން މީގެ ކުރިން ވަނީ ނެރުނު ބަޔާނެއްގައި ވަނީ ރަޖިސްޓްރީކޮށް، އޮޕަރޭޓިން ލައިސެންސް ލިބެންދެން އެ ތެރަޕީގެ ހިދުމަތްތައް ހުއްޓާލުމަށް ފަޒީލާއަށް އަންގާފައިވާ ކަމަށެވެ. އެއާ ހިލާފަށް މަސައްކަތްކުރާ ނަމަ ގާނޫނުގެ ދަށުން ފިޔަވަޅު އަޅާނެ ކަމުގެ އިންޒާރު މިނިސްޓްރީން ދިންކަމަށް ބުނެފައެވެ.
އަދި ފަޒީލާގެ ހިޖާމާ ހިދުމަތް ޕްރޮމޯޓް ކުރަން ސޯޝަލް މީޑިއާގައި ކޮށްފައިވާ އިޝްތިހާރުތަކަކީ މިނިސްޓްރީގެ ހުއްދަ ލިބިގެން ނޫނީ ކުރެވޭނެ ކަމަކަށް ނުވާތީ އެ އިޝްތިހާރުތައް ނެގުމަށް ވެސް އަންގާފައިވާއިރު މީސްމީޑިއާގއއި އޭނާ އާއްމު ކުރާ ބަލި މީހުންގެ މެޑިކަލް ރިޕޯޓުތަކުގެ މައުލޫމާތަކީ އެންމެ ރައްކާތެރި އަދި ސައްހަ މައުލޫމާތުކަން ކަށަވަރު ނުވާތީ އެ ރިޕޯޓުތައް ނެގުމަށް ވެސް މިނިސްޓްރީން ވަނީ އަންގާފައެވެ.
ހުއްދަ ނެތި ހިޖާމާ ޖަހާތީ އެކަން ނުކުރަން ތަކުރާރުކޮށް ފަޒީލާއަށް މީގެ ކުރިން ވެސް އަންގާފައުވާކަން ފާހަގަކޮށްލަންޖެހެއެވެ.
ހެލްތު މިނިސްޓްރީގެ ހުއްދަ ނެތި މިފަދަ ޚިދުމަތްތައް ދިނުމަކީ ޤާނޫނާ ޚިލާފު ކަމެކެވެ.
Advertisement
This content is created and paid for by advertisers and does not involve Voice Journalists
