ސޯޝަލް މީޑިއާގައި ދައުރުވަމުންދާ ވީޑިއޯ އިން ފެންނަނީ، ބޭނުން ނުކުރެވޭވަރަށް ހަލާކުވެފައި ހުރުމުން، އުސޫލުތަކާއި އެއްގޮތަށް ނައްތާލައިފައިވާ ފުށްކަމަށް އެސްޓީއޯއިން ބުނެފިއެވެ.

ސޯޝަލް މީޑިއާގައި މިހާރު ދައުރުވަމުންދާ ވީޑިއޯއިން ފެންނަ ގޮތުގައި އައްޑޫ ސިޓީގެ ގޮނޑަށް އުކާލާފައި ހުރި ފުށް ބަސްތާ ތަކެއް ފެނެއެވެ. އެ ވީޑިއޯގައި ވާހަކަ ދައްކާ މީހާ ބުނާގޮތުގައި، އެސްޓީއޯ އިން އުކާލި ފުށް ބަސްތާތައް މުޅި އެސަރަހައްދު ފުރާހުރި ކަމަށާއި، އެއީ ގާތްގަނޑަކަށް 6 ނުވަތަ 8 މަސް ދުވަހު އައްޑޫ ރައްޔިތުންނަށް ބޭނުންކުރެވޭހާ ފުށް ކަމަށެވެ.

މިއީ ތުރުކީން ގެނައި ފުށްކަމަށްބުނެ އެމީހާ ވަނީ މި މައްސަލަ ސަރުކާރާއި ކަމާ ބެހޭ ފަރާތްތަކުން ބެލުމަށް ވެސް ގޮވާލާފައެވެ.

Advertisement

މިކަމާއި ގުޅިގެން އެސްޓީއޯ އިން މީޑިއާތަކަށް ފޮނުވި މެސެޖެއްގައި ބުނީ، ވީޑިއޯއިން ފެންނަނީ އެކި ފަހަރުމަތިން މުޅި ދެކުނުގެ ބޭނުމަށް ފޮނުވާފައި ހުރި ފުށްކަމަށެވެ. އަދި ބޭނުން ނުކުރެވޭ ވަރަށް ހަލާކުވެފައި ހުރުމުން، ފުށް ނައްތާލާފައިވަނީ އެކަމަށް އޮންނަ އުސޫލުތަކާއި އެއްގޮތަށް ކަމަށް ވެސް އެސްޓީއޯ އިން ފާހަގަކުރިއެވެ.

އެސްޓީއޯއިން އިތުރަށް ބުނީ، އެއީ ހަމައެކަނި ތުރުކީން ގެނައި ފުށް ބެޗުތައް ނޫންކަމަށެވެ.