ރައީސް ޑރ. މުޙައްމަދު މުޢިއްޒު ގެންދަވަނީ ދުނިޔޭގެ ފެންވަރުގައި ދިވެހީންގެ އަޑު މަޑުނޫންކަން ސާބިތުކޮށްދެއްވަމުން ކަމަށް މަޖިލީހުގެ ރައީސް އަބްދުއްރަޙީމް އަބްދުالله ވިދާޅުވެއްޖެއެވެ.
އދ ގެ އާންމު މަޖިލީހުގެ 79 ވަނަ ސެޝަންގެ އާންމު ބަހުސްގައި ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ދެއްވި ތަޤުރީރާ ގުޅިގެން، ރައްޔިތުންގެ މަޖިލީހުގެ ރައީސް މުޙައްމަދު އަބްދުއްރަޙީމް އެކްސްގައި ކުރެއްވި ޕޯސްޓެއްގައި ވިދާޅުވީ، ނިސްބަތުން ޤައުމު ކުޑަވެފައި މީސްކޮޅު މަދު ނަމަވެސް، ދުނިޔޭގެ ފެންވަރުގައި ދިވެހީންގެ އަޑު މަޑުނޫންކަން ދުނިޔޭގެ އެންމެ އުސް ސްޓޭޖުގައި ހުންނަވައިގެން ރައީސް މުޢިއްޒު ސާބިތުކޮށްދެއްވާފައިވާ ކަމަށެވެ.
އަބްދުއްރަޙީމް އިތުރަށް ފާހަގަކުރެއްވި ގޮތުގައި، ރައީސް މުޢިއްޒުގެ ހަރުދަނާ ސިޔާސަތާއި މާދަމާއަށް ކުރައްވާ އުންމީދު، އަދި ދުނިޔެ މިއަދު ކުރިމަތިލާންޖެހިފައިވާ ބޮޑެތި މައްސަލަތަކަށް އަލިއަޅުވާލެއްވީ ހުއްޖަތާއި ދަލީލުތައް ދައްކަވައި، ދިވެހީން ފަޚުރުވެރިކުރުވަމުންނެވެ.
މި ތަޤުރީރުގައި ރައީސް މުޢިއްޒު ވަނީ ދުނިޔޭގެ މުހިންމު މައްސަލަތަކާއި ދިވެހިރާއްޖޭގެ ސްޓޭންޑް އޮތް ގޮތް ބަޔާންކުރައްވާފައެވެ. މީގެ ތެރޭގައި މޫސުމަށް އަންނަ ބަދަލުތަކާއި، ބައިނަލްއަޤްވާމީ ސުލްޙައާއި ސަލާމަތީ ކަންކަން ހިމެނެއެވެ. އަދި ހަމަ އެހެންމެ ފަލަސްތީނުގެ މައްސަލާގައިވެސް އެމަނިކުފާނުވަނީ ރާއްޖޭގެ ސްޓޭންޑް ވަރަށް ސާފުކޮށް ހާމަކޮށްދެއްވާފައެވެ.
Advertisement
This content is created and paid for by advertisers and does not involve Voice Journalists
