ޝަހުސު އޮޅުވާލައިގެން ރާއްޖެ އެތެރެވާން އުޅުނު ބަޔަކު މޯލްޑިވްސް އިމިގްރޭޝަނުން ހުއްޓުވައިފިއެވެ.

އިމިގްރޭޝަނުން އެކްސް ގައި ކުރި ޕޯސްޓެއްގައި ބުނީ، ޝަހުސު އޮޅުވާލައިގެން ވެލާނާ އިންޓަރނޭޝަނަލް އެއަރޕޯޓުން ރާއްޖެ އެތެރެވާން އުޅުނު ތިން ބިދޭސީން ހުއްޓުވާފައިވާ ކަމަށެވެ.

އޭގެ ތެރޭގައި ހިމެނެނީ 21 އަަހަރާއި 23 އަހަރާއި 25 އަހަރުގެ ފިރިހެނުންނެވެ.

Advertisement

އިމިގްރޭޝަނުން ބުނެފައިވާ ގޮތުން އޭގެ ތެރެއިން 21 އަހަރާއި 23 އަހަރުގެ މީހާ  އަތުލައިގަތީ މިދިޔަ އޮގަސްޓު މަހުއެވެ.

އަދި 25 އަހަރުގެ މީހާ އަތުލައިގަތީ މިދިޔަ ޖުލައި މަހުއެވެ.

މި މައްސަލައާ ގުޅޭ އިތުރު އެއްވެސް ތަފްސީލެއް އިމިގްރޭޝަނުން ނުދެއެވެ.