ސްޕެއިންގެ ބާސެލޯނާ އިން ޔުއެފާ ޗެމްޕިއަންސް ލީގުގައި ދެން އެންމެ އަވަހަށް ރަށުން ބޭރުގައި ކުޅޭ މެޗަށް އެޓީމަށް ޓިކެޓް ނުވިއްކޭގޮތަށް ޔޫއެފާ އިން އެކުލަބަށް އަދަބުދީފިއެވެ.

ރަށުން ބޭރުގައި ކުޅޭ މެޗުގައި ބާސާއަށް ޓިކެޓް ނުވިއްކޭނެ ގޮތަކަށް އަދަބު ދޭން ޔުއެފާ އިން ނިންމާފައިވަނީ އެ ޓީމުގެ ސަޕޯޓާރުންގެ ފަރާތުން އެންމެ ފަހުން ޗެމްޕިއަންސް ލީގުގައި މޮނާކޯއާ ދެކޮޅަށް ކުޅުނު މެޗުގައި ނަސްލީ ގޮތުން ދިމާކުރި ކަމަށް ފެންމަތިވި މައްސަލަތަކެއްގެ ސަބަބުންނެވެ. ރަށުން ބޭރުގައި ކުޅޭ މެޗަށް ޓިކެޓް ނުވިއްކޭނެ ކަމަށް އެންގުމުގެ އިތުރުން ޔޫއެފާ އިން ވަނީ އެ ކްލަބު 10،000 ޔޫރޯއިން ޖޫރިމަނާވެސް ކޮށްފައެވެ.

މީގެ ކުރިން ވެސް މިފަދަ މައްސަލައެއްގައި މިދިޔަ ސީޒަނުގައި ބާސެލޯނާއަށް ވަނީ މިފަދަ އަދަބެއް ލިބިފައެވެ. ޗެމްޕިއަންސް ލީގު ކުއާޓާ ފައިނަލުގައި އެ ޓީމުން ޕީއެސްޖީއާ ދެކޮޅަށް ކުޅުނު މެޗުގެ ތެރެއިން ބާސާ ސަޕޯޓަރުންގެ ފަރާތުން ނަސްލީ ދިމާކުރުންތަކުގެ އަމަލުތައް ފެނިގެން ގޮސްފައިވާތީ، ޔޫއެފާއިން ވަނީ އެޓީމު 25،000 ޔޫރޯއިން ޖޫރިމަނާކޮށް ރަށުން ބޭރުގައި ކުޅޭ އެއްމެޗަށް ޓިކެޓް ނުވިއްކޭގޮތައް އަދަބުދީފައެވެ. ނަމަވެސް އެއަދަބު ތަންފީޒުކުރުން ވަނީ އެއް އަހަތަށް ފަސްކޮށްފައެވެ.

ނަމަވެސް މޮނާކޯ މެޗަށްފަހު ޔުއެފާ އިން ނިންމާފައި ވަނީ ނޮވެމްބަރު މަހުގެ ހަ ވަނަ ދުވަހު ރަށުން ބޭރުގައި ބާސާއިން ސާބިއާގެ އެފްކޭ ކްރްވެނާ ޒަވޭޒްޑާ ދެކޮޅަށް ކުޅޭ މެޗަށް އެ ޓީމުގެ ސަޕޯޓަރުންނަށް ނުވަދެވޭގޮތައް އަދަބުދީފައެވެ. މި ސީޒަނުގެ ޗެމްޕިއަންސް ލީގުގައި ބާސެލޯނާ ކުޅުނު ފުރަތަމަ މެޗުގައި މޮނާކޯ އަތުން އެޓީމު ބަލިވީ 2-1 ގެ ނަތީޖާއަކުންނެވެ.