ރާއްޖޭގައި ފުޅާދާއިރާއެއްގައި ހަށިވިއްކުމުގެ ވިޔަފާރި ހިންގި ބިދޭސީންތަކެއް އިމިގްރޭޝަނުން އަތުލައިގަނެފިއެވެ.
މިކަމާ ގުޅޭގޮތުން މޯލްޑިވްސް އިމިގްރޭޝަނުން ބުނީ، ރާއްޖޭގައި ފުޅާދާއިރާއެއްގައި ހަށިވިއްކުމުގެ ވިޔަފާރިކުރަމުންދިއަ ބިދޭސީން ހޯދުމަށް އެ އިދާރާ އާއި ފުލުހުން ގުޅިގެން މިދިޔަ އޮގަސްޓު މަހާއި ސެޕްޓެންބަރު މަހު، ހާއްސަ އިންސްޕެކްޝަން ތަކެއް ހިންގާފައިވާކަމަށެވެ.
މި އޮޕަރޭޝަނުގައި ހަ ބިދޭސީއަކު އަތުލައިގަނެފައިވާއިރު، މިކަމުގައި ހިމެނެނީ، ފަސް އަންހެނަކާއި، ފިރިހެނެކެވެ. އަތުލައިގަތް ފިރިހެން މީހާ އަކީ އޭޖެންޓެއްގެ ގޮތުގައި ހަރަކާތްތެރިވަމުންދިޔަ މީހެކެވެ.
އިމިގްރޭޝަނުން އެމީހުން ނިސްބަތްވާ ޤައުމު ހާމަކޮށްފައެއް ނުވެއެވެ. މި މީހުންގެ އުމުރު 28 އަހަރާއި 39 އަހަރާ ދެމެދު އުޅޭއިރު، މީގެ ތެރެއިން ތިން އަންހެނުން މިހާރު ވަނީ ޑީޕޯޓްކޮށްފައެވެ. އެމީހުން ޑީޕޯޓްކޮށްފައިވަނީ އަނބުރާ ރާއްޖެ ނާދެވޭ ގޮތަށެވެ. އަނެއް ބިދޭސީންތައް ޑީޕޯޓްކުރުމަށް ކުރަންޖެހޭމަސައްކަތް ކުރިއަށްދާކަމަށް އިމިގްރޭޝަނުން ބުނެއެވެ.
ގަވައިދާ ހިލާފަށް އުޅޭ ބިދޭސީން ހޯދުމަށް އިމިގްރޭޝަނުން ވަނީ ހާއްސަ އޮޕަރޭޝަނެއް ފަށާފައެވެ. މި އޮޕަރޭޝަނުގައި ސަރުކާރުގެ ކަމާބެހޭ އިދާރާތަކުންވެސް ބައިވެރިވެއެވެ.
Advertisement
This content is created and paid for by advertisers and does not involve Voice Journalists
