"ބްރައިޓް ވިއު" ނަމުގައި ހިންނަވަރު އަތުޖެހި އެއްވެސް އަމިއްލަ އުފެއްދުމެއް ވިއްކުމުގެ ހުއްދަ ދީފައި ނުވާނޭކަމަށް މޯލްޑިވްސް ފުޑް އެންޑް ޑްރަގް އޮތޯރިޓީން ބުނެފިއެވެ.

ވިޔަފާރީގެ ގޮތުގައި ކެއިން ބުއިމުގެ އެއްވެސް އެއްޗެއް މިހާރު ވިއްކޭނީ އެކަމަށް އެދި އެމްއެފްޑީއޭއަށް ހުށަހަޅައި، އެއޮތޯރިޓީގެ ހުއްދަ ލިބިގެންނެވެ. އެމްއެފްޑީއޭއިން މިއަދު ނެރެފައިވާ ބަޔާނެއްގައި ބުނެފައިވަނީ، "ބްރައިޓް ވިއު" ނަމުގައި ކާބޯތަކެތި ވިއްކާ ފަރާތަކީ އަމިއްލަ ދިރިއުޅުމަށްޓަކައި ކާބޯތަކެތި އުފައްދާ ވިއްކުމުގެ މަސައްކަތްކުރާ ފަރާތްތައް ދަފްތަރުކުރުމުގެ އުސޫލުގެ ދަށުން ދަފްތަރުކޮށްފައިވާ ފަރާތެއް ނޫންކަމަށެވެ.

އަމިއްލަ ދިރިއުޅުމަށްޓަކައި ކާބޯތަކެތި އުފައްދާ ފަރާތްތަކުގެ ދަފްތަރު، ދިރިތި ޕޯޓަލުންނާއި، ހެލްތް މިނިސްޓްރީގެ އިތުރުން އެމްއެފްޑީއޭގެ ވެބްސައިޓުން ފެންނަން ހުންނާނޭކަމަށް އެމްއެފްޑީއޭއިން ބުނެއެވެ.

އެމްއެފްޑީއޭއިން ވަނީ އެ އޮތޯރިޓީގެ އުސޫލާ ހިލާފަށް ކާބޯތަކެތި ވިއްކަމުންދާނަމަ، އެކަން ރިޕޯޓްކުރުމަށް އެދިފައެވެ.

އަމިއްލަ ދިރިއުޅުމަށްޓަކައި ކުރާ ކާބޯތަކެތި އުފައްދާ ވިއްކުމުގެ މަސައްކަތުގައި އަމަލު ކުރަންވީ އުސޫލެއް އެމްއެފްޑީއޭއިންވަނީ އެކުލަވާލާފައެވެ.

- ކާބޯތަކެތި ތައްޔާރުކުރާ ފަރާތަކީ 'ބޭސިކް ފުޑް ސޭފްޓީ ކޯސް' ފުރިހަމަކޮށްފައިވާ ފަރާތެއް ކަމުގައިވުން ނުވަތަ އެމްއެފްޑީއޭއިން ހިންގާ ތަމްރީނު ޕްރޮގްރާމެއް ފުރިހަމަކޮށްފައިވުން.

- ގޭގައި ދިރިއުޅޭ މީހުން ފިޔަވައި އިތުރު މުވައްޒަފުންނާއި މަސައްކަތު މީހުން ބޭނުން ނުކުރުން.ކާބޯތަކެތި ތައްޔާރުކުރާ ވަގުތުތަކުގައި ކަމާއި ނުގުޅޭ މީހުން ބަދިގެއަށް ނުވެއްދުން.

- ކާބޯތަކެތި ތައްޔާރުކުރާ ވަގުތުތަކުގައި ކަމާއި ނުގުޅޭ މީހުން ބަދިގެއަށް ނުވެއްދުން.

- ވަހާއ،ި ދުމާއ،ި ކުނި އަދި ގަދަ އަޑުގެ ސަބަބުން އާންމުންގެ ސިއްހަތަށް ނުރައްކާ ވެދާނެ ފަދަ މަސައްކަތަކަށް ނުވުން.

- ފުޅާ ދާއިރާއެއްގައި ކާބޯތަކެތި އުފައްދަން ގެންގުޅޭ ފަދަ ބޮޑެތި އާލާތްތައް ބޭނުން ނުކުރުނ.ް (މިސާލު: އިންޑަސްޓްރިއަލް އަވަން)

- ހެދިކާ ވިއްކަން ބަހައްޓާއިރު އެތަކެތި އަޅާފައިވާ ކޮންޓެއިނަރުގައި އުފެއްދި ތަނުގެ ނަމާއި ކާބޯތަކެތި ތައްޔާރުކުރުމަށް ހުއްދަ ދޭ ފަރާތުން ތަނަށް ދޫކޮށްފައިވާ ރަޖިސްޓްރީ ނަންބަރު ލޭބަލް ކުރުން.