މި ދުވަސްވަރަކީ ވައިގަދަ، ވިއްސާރަ ދުވަސްވަރަކަށް ވުމާއެކު، ސިނަމާލެ ބްރިޖު އަދި ހައިވޭއިން ދަތުރުކުރައްވާއިރު ތިމާއާއި އަނެކުންގެ ސަލާމަތާއި ރައްކާތެރިކަމަށް ބަލައިގެން އުޅަނދު ދުއްވުމަށް ފުލުހުން އިލްތިމާސްކޮށްފިއެވެ.
މިދުވަސްވަރަކީ މާލެ އާއި މެދު ރާއްޖެތެރެއަށް މޫސުން ވަރަށް ގޯސް ދުވަސްވަރެކެވެ.
އެގޮތުން ހެނދުނުން ފެށިގެން މާލެއަށްވެސް ވައި ގަދަވެ ވިއްސާރަ ކުރަމުންދާއިރު، މާލެ ސަރަހައްދަށް މެޓް އޮފީހުން ނެރުނު ރީނދޫ ސަމާލު މިރެއާ ހަމައަށް ވަނީ ދަންމާލާފައެވެ.
ވައި ގަދަވެ މޫސުން ގޯސްވެފައިވާތީ މޫސުމަށް ސަމާލުވުމަށް އިރުޝާދު ދެމުން ފުލުން އެކްސްގައި ކުރި ޕޯސްޓެއްގައި ވަނީ ހައިވޭގައި ސައިކަލު ދުއްވާއިރު ކުޑަނަގައިގެން ނުދުއްވުމަށާއި ފަސޭހައިން ހަލާކުވެ ވަޔާދާ ފަދަ ކޯޓު ބޭނުންނުކުރުމަށް އިސްތިމާސް ކޮށްފައެވެ.
އަދި ހެލްމެޓު ވެސް ވަޔާ ނުދާނޭހެން ރަނގަޅަށް އެޅުމަށް ވެސް އެދިފައިވެއެވެ.
އޭގެ އިތުރުން، އުޅަނދުގެ ލައިޓުތައް ދިއްލޭތޯ ބަލައި ސަލާމަތާއި ރައްކާތެރިކަން ކަށަވަރު ކުރައްވައިގެން އުޅަނދު ދުއްވުމަށް ފުލުހުން އިލްތިމާސްކުރެއެވެ.
Advertisement
This content is created and paid for by advertisers and does not involve Voice Journalists
