ސްޓެލްކޯގެ ލީޑަރޝިޕް ޕްރޮގްރާމުން ފާގަތި މުސްތަޤުބަލަކަށް ހަރުދަނާ ލީޑަރޝިޕެއް އުފެދިގެންދާނެކަމަށް އެ ކުންފުނީގެ މެނޭޖިން ޑިރެކްޓަރ ހުސައިން ފަހުމީ ވިދާޅުވެއްޖެއެވެ.
މި ޕްރޮގްރާމުގެ ނުވަވަނަ ބެޗް ނިމި، ބައިވެރިވި މުވައްޒަފުން އެނބުރި އައުމާ ގުޅިގެން ފަހުމީ އެކްސްގައި ކުރެއްވި ޕޯސްޓެއްގައި ވިދާޅުވީ، މިހާތަނަށް 469 މުވައްޒަފުން މި ޕްރޮގްރާމް ފުރިހަމަކޮށްފައިވާކަމަށެވެ.
މި ޕްރޮގްރާމުގެ ނުވަވަނަ ބެޗްގައި ބައިވެރިވި 51 މުވައްޒަފުން ސަލާމަތުން އެނބުރި އައުމާ ގުޅިގެން ފަހުމީ އެކަމާއި އުފާފާޅުކުރައްވައި، ޕްރޮގްރާމް ނިންމުމުގެ ރަސްމިއްޔާތުގައި ބައިވެރިވެ ވަޑައިގެން ދެއްވި މިނިސްޓަރ އޮފް ސްޕޯޓްސް، ފިޓްނަސް އެންޑް ރިކްރިއޭޝަން، އަބްދުﷲ ރަފީއުއަށް ޝުކުރު އަދާކުރައްވާފައިވެ އެވެ.
ފަހުމީ ވިދާޅުވީ، މިއީ ވަރުގަދަ ލީޑަޝިޕެއް އާލާކޮށް، އުޖާލާ މުސްތަޤުބަލަކަށް ގެންދިއުމަށް ސްޓެލްކޯއިން ވެފައިވާ ވައުދު ދައްކުވައިދޭ ޕްރޮގްރާމެއް ކަމަށެވެ.
މިއާއިއެކު ފަހުމީ ވަނީ ރާއްޖޭގައި ޒުވާނުންގެ ތަރައްޤީއަށް ދެއްވި ހިތްވަރާއި ތަޞައްވުރުވެރި ޚިދުމަތްތެރިކަމަށްޓަކައި، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުއަށް ޝުކުރު އަދާކުރައްވާފައެވެ.
Advertisement
This content is created and paid for by advertisers and does not involve Voice Journalists
