ރާއްޖޭގައި އަލަށް ގާއިމްކުރުމަށް ނިންމާފައިވާ ޑިވެލްޕްމަންޓް ބޭންކް އޮފް މޯލްޑިވްސް އުފެއްދުމުގެ ހުއްދަ މަރުކަޒީ ބޭންކުން މިއަދު ދީފިއެވެ.

ޑިވެލޮޕްމަންޓް ބޭންކު ހެދުމުގެ ހުއްދަ މޯލްޑިވްސް މަނިޓަރީ އޮތޯރިޓީން މިއަދު ދީފައިވާއިރު، އެމްއެމްއޭގެ ފަރާތުން ސަރުކާރަށް ބޭންކު ހެދުމުގެ ހުއްދައިގެ ލިޔުން ހަވާލުކޮށްދެއްވީ ގަވަރުނަރު އަހުމަދު މުނައްވަރެވެ. ސަރުކާރުގެ ފަރާތުނއ ހުއްދައާއި ހަވާލުވެ ވަޑައިގެންނެވީ އިކޮނޮމިކް މިނިސްޓަރު މުހައްމަދު ސައީދެވެ.

ޑިވެލްޕްމަންޓް ބޭންކް ހެދުމަށް ލައިސަންސް ލިބުމާ ގުޅިގެން އިކޮނޮމިކް މިނިސްޓަރު މުހައްމަދު ސައީދު އެކްސްގައި ކުރެއްވި ޕޯސްޓެއްގައި ވިދާޅުވީ، ޑިވެލްޕްމަންޓް ބޭންކް އޮފް މޯލްޑިވްސް އުފެއްދުމަށް ލައިސަންސް މިއަދު ލިބިގެންދިޔަކަމީ ތާރީހީ ކާމިޔާބެއް ކަމަށެވެ.
މިނިސްޓަރު މުހައްމަދު ސައީދު ވިދާޅުވީ މިކަމަކީ ރައީސް ޑރ.މުއިއްޒުގެ މެނިފެސްޓޯގައި ހިމެނޭ ވަރަށް މުހިއްމު ކަމެއްކަން ފާހަގަކުރައްވާފައެވެ.
ރާއްޖޭގައި ފުރަތަމަ ފަހަރަށް، ޑިވެލްޕްމަންޓް ބޭންކެއް އުފައްދާފައި ވަނީ މެއި މަހުގެ 16ވަނަ ދުވަހެވެ.
އެ ބޭންކަށް ތިން މެމްބަރުން ވެސް މިހާރު ވަނީ އައްޔަން ކުރައްވައިފައެވެ. އެއީ؛
* އަހުމަދު އަލީ، މއ. ވޭސައިޑް 805 ފްލެޓް
* ސައީދު އަބްދުއްނާސިރު ބިން ސައީދު ހަސަން އަލް ޖުނައިދު،

Advertisement

* ސިންގަޕޫރުރޮބާޓް ޑެނިއެލް ކާންޓް، ޔުނައިޓެޑް ކިންގްޑަމް

ރައީސް އޮފީހުން ބުނީ މި ކުންފުންޏަކީ ސަރުކާރުގެ ސިޔާސަތުތަކާ އެއްގޮތްވާ ގޮތުގެ މަތީން، ދެމެހެއްޓެނިވި އިޤްތިޞާދީ އަދި އިޖުތިމާޢީ ތަރައްޤީއަށް އިންވެސްޓުކުރުމާއި، ޢުމްރާނީ ތަރައްޤީއަށް ބޭނުންވާ ފައިސާ ހޯދުމާއި، ސިންޑިކޭޝަން ފައިނޭންސް މެދުވެރިކޮށް ޕީ.އެސް.އައި.ޕީ މަޝްރޫޢުތަކަށް ފައިސާ ފޯރުކޮށްދިނުމުގައި ދިމާވާ ގޮންޖެހުންތައް ޙައްލުކުރުމާއި، ދިވެހިރާއްޖޭގެ ބޭންކިންގ ނިޒާމުގައި ބޭރު ފައިސާ ބެހެއްޓުމުގެ ޝައުޤުވެރިކަން އިތުރުކުރުމުގެ ބޭނުމުގައި އުފެއްދެވި ކުންފުންޏެކެވެ.