ޤައުމީ ޝިޕިންލައިންގެ ބޯޓުފަހަރުތަކުގައި މިފްކޯއިން މަހުގެ ބާވަތްތައް ބޭރުކުރަން ނިންމައިފިއެވެ.

މިފްކޯއިން މިއަދު ވަނީ މިކަމާ ގުޅޭ އެއްބަސްވުމުގައި، މޯލްޑިވްސް ސްޓޭޓް ޝިޕިން، އެމްއެސްއެސް އާއެކު އެއްބަސްވުމުގައި ސޮއިކޮށްފައެވެ. ޤައުމީ ޝިޕިން ލައިނުގެ ފަރާތުން އެއްބަސްވުމުގައި ސޮއިކުރެއްވީ މެނޭޖިންގ ޑިރެކްޓަރު އަހުމަދު ޝަރީފެވެ. މިފްކޯގެ ފަރާތުން ސޮއިކުރެއްވީ ޗީފް ފައިނޭޝަލް އޮފިސަރު އިލްޔާސް ހަނީފެވެ.

މި އެއްބަސްވުމުގެ ދަށުން މިފްކޯގެ މަހުގެ ބާވަތްތައް ބައިނަލްއަޤްވާމީ އެކި ކަންކޮޅުތަކަށް އުފުލުމުގެ މަސައްކަތްކުރާނީ ޤައުމީ ޝިޕިން ލައިނުންނެވެ. 

މިފްކޯ އަދި އެމްއެސްއެސް އިން އެއްބަސްވުމުގައި ސޮއިކުރުމަށްފަހު..

މިކަމާ ގުޅޭގޮތުން މިފްކޯގެ ސީއެފްއޯ ހަނީފް ވިދާޅުވީ، މިއަދު ސޮއިކުރެވުނު އެއްބަސްވުމަކީ ވަރަށް މުހިއްމު އެއްބަސްވުމަކަށް ވެގެންދާނެ ކަމަށާއި، މިގޮތުން ޤައުމީ ޝިޕިން ލައިންގެ ބޯޓުތައް މެދުވެރިކޮށް ބޭރަށް މަހުގެ ބާވަތްތައް ބޭރުކުރުން ވެގެންދާނީ މިފްކޯގެ ވިޔަފާރިއަށް ގެނެވޭ ހެޔޮ ބަދަލަކަށް ކަމަށެވެ. މީގެ ކުރިން މަހުގެ ބާވަތްތައް އުފުލަނީ ބޭރުގެ ބޯޓުތައް ކުއްޔަށް ނަގައިގެންކަން ހަނީފް ފާހަަކުރެއްވިއެވެ. 

ޤައުމީ ޝިޕިންލައިނުގެ މެނޭޖިންގ ޑިރެކްޓަރު ޝަރީފް ވިދާޅުވީ މި އެއްބަސްވުމުގެ ސަބަބުން ދުނިޔޭގެ ކޮންމެ ތަނަކަށްވެސް މަހުގެ ބާވަތްތައް ބޭރުކުމުގެ ފުރުސަތު ހުޅުވިގެންދާނޭ ކަމަށެވެ. މިއީ މަސްވެރިކަމަށް ކުރާ މުހިއްމު އިންވެސްޓެއްކަން ފާހަގަކުރައްވަމުން ޝަރީފް ވިދާޅުވީ، މިކަމުގެ ސަބަބުން މިފްކޯއަށްވެސް ފައިދާތަކެއް ލިބިގެންދާނޭކަމަށެވެ.