ތެލަސީމިއާ ބަލިން ރައްކާތެރިވުމާއި ކޮންޓްރޯލް ކުރުމަށް ކުރިއަށް އޮތް 10 އަހަރުދުވަހުގެ މާސްޓާ ޕްލޭން އިފްތިތާހްކޮށް، ތެލަސީމިއާ ހޮސްޕިޓަލް އެޅުމުގެ އެއްބަސްވުމުގައި ސޮއިކޮށްފިއެވެ.
މިކަމަށްޓަކައި ކްރޮސްރޯޑްގައި ބޭއްވި ރަސްމިއްޔާތުގައި ވަނީ ހުޅުމާލޭގައި އެޅުމަށް ހަމަޖެހިފައިވާ ތެލަސީމިއާ ހައްސަ ހޮސްޕިޓަލް އިމާރާތްކޮށް ހިންގާ ފަރާތްތަކާއެކު ސޮއިކޮށްފައެވެ. އެއްބަސްވުމުގައި ސަރުކާރުގެ ފަރާތުން ސޮއިކުރެއްވީ ހެލްތް މިނިސްޓަރު ޢަބްދުﷲ ނާޒިމެވެ.
އެއްބަސްވުމުގެ ދަށުން ތެލަސީމިއާ ހޮސްޕިޓަލް މެނޭޖްކުރާނީ މެޑޯ އޭޝިއާ އަދި ޗިންހިން ގްރޫޕް ބަހާދެވެ. ބައިނަލްއަޤްވާމީ މިންގަނޑަށް ހޮސްޕިޓަލް ތަރައްޤީކުރުމުގެ އިތުރުން ފަންޑްކުރާނީ ސައިނޯމާ އިންޖިނިއަރިން ކުންފުންޏެވެ.
މި ރަސްމިއްޔާތުގައި ވާހަކަަ ދައްކަވަމުން ހެލްތު މިނިސްޓަރު ޢަބްދުﷲ ނާޒިމް ވިދާޅުވީ، މިއަދު މި ސޮއިކުރެވުނީ ވަކި ބައްޔަކަށް ހާއްސަކުރެވިގެން ރާއްޖޭގައި ގާއިމްކުރެވޭ ފުރަތަމަ ހާއްސަ ހޮސްޕިޓަލް ގާއިމްކުރުމުގެ މަސައްކަތް ކަމަށެވެ.
މިއަދު އިފްތިތާހް ކުރެވުނު ދެ މަޝްރޫޢުއަކީ ރާއްޖޭގެ ސިއްހީނިޒާމް މުޅިން އައު ހަރުފަތަކަށް ގެންދިއުމަށްޓަކައި މި ސަރުކާރުން ރާވާފައިވާ މަސައްކަތްތަކުގެ ތެރެއިން ވަރށް މުހިއްމު ދެ މަޝްރޫޢު ކަމަށް މިނިސްޓަރު ވިދާޅުވިއެވެ. ބަލިމަޑުކަމަކުން ސަލާމަވްވެ ތިބުން ބިނާވަނީ ގުޅިލާމެހިފައިވާ ނިޒާމެއްގެ ތެރެއިން ކުރެވޭ ގިނަގުނަ އެތައް މަސައްކަތް ތަކަކުންކަން ފާހަގަ ކުރައްވަމުން މިނިސްޓަރު ވިދާޅުވީ މިއަދު ތަންފީޒްކުރަންފެށޭ ތަލަސީމިއާ މާސްޓަރޕެލޭނަކީ މުޅި ނިޒާމަށް ރިޔާއަތްކުރެވޭ ގޮތަށް ފަރުމާކުރެވިފައިވާ ފަދަ ނިޒާމެއް ކަމަށެވެ.
ތެލަސީމިއާ ހޮސްޕިޓަލް އެޅުމުގެ އެއްބަސްވުމުގައި ސޮއިކުރުމަށްފަހު... ފޮޓޯ/ރައީސް އޮފީސް
ތެލަސީމިއާ ބަލީގެ ހާލަތު ރަނގަޅުކުރުމަށް ވޭތުވެދިޔަ ދިހަ މަސްދުވަހުގެ ތެރޭގައި ވަނީ ގިނަ މަސައްކަތްތަކެއް ކުރެވިފައެވެ. މިނިސްޓަރު ވިދާޅުވީ، ހީނަރުވެފައިވާ ތެލަސީމިއާކުދިން ސްކްރީންކުރުމުގެ މަސައްކަތް އިތުރު ގިޔަރެއްގައި ކުރިއަށްގެންދެވި މި ބައްޔަށް ހައްސަކޮށް ސްކޫލްކުދިން ހޭލުންތެރިކުރުވުވުން އިތުރަށް ފުޅާކޮށް ވަނީ ކުރިއަށް ގެންދެވިފައިވާކަަ
ބްލަޑް ބޭންކިން އިތުރުކުރުމުގެ ގޮތުން އިތުރު 4 ސަރަހައްދުގައި ވަނީ ބްލަޑް ބޭންކް ގާއިމްކުރެވިފަ. މެދުކެނޑުން އައިސްފައިވާ ބޯންމެރޯ ޓްރާންސްޕްލާންޓް ކުރުމުގެ މަސައްކަތް އަލުން މިއަހަރުފެށި 14 ކުދިން ބޯންމެރޯ ޓްރާންސްޕްލާންޓް ހެދުމަށް ރާއްޖެއިން ބޭރަށް ވަނީ ފޮނުވިފަ. ރާއްޖެއިން ބޭރަށްގޮސްގެން ނޫނީ ކުރިން ނުހެދޭ ބޯންމެރޯޓްރާންސްޕްލާންޓް ގެ ކުރިން ހަދަންޖެހޭ އެޗްއެލްއޭ ޓައިޕިން ޓެސްޓް ރާއްޖޭގައި ތިބެގެން ހެދޭނެމަގު ވަނީ ތަނަވަސްކުރެވިފަ.
ހެލްތު މިނިސްޓަރު ވިދާޅުވިއެވެ.
މިނިސްޓަރު ވިދާޅުވީ މީގެ އިތުރުންވެސް ތެލަސީމިއާ ކޮންޓްރޯލްކުރުމުގެ ބެސްޓް ޕްރެކްޓިސް ދެނެގަތުމަށްޓަކައި މިކަން އެންމެ ރަނގަޅަށްކުރާ ދެ ގައުމުކަކަށްވާ އިޓަލީ އާއި ސައިޕްރަސް އާއެކު މަޝްވަރާކުރެވި ފަންނީ އެހީތެރިކަން ހޯދުމަށްޓަކައި ވަނީ އެމްއޯޔޫގައި ސޮއިކުރުމަށް ވަނީ ތައްޔާކުރެވިފަ ކަމަށެވެ.
މީގެ އިތުރުން އަންނަ އަހަރު ބޯންމެރޯ ހެދުމަށް ފޮނުވާނޭ ކުދިން ސްކްރީންކުރުމުގެ މަސައްކަތްވެސް މިހާރު ފަށާފައިވާކަމަށާއި ތެލެސީމިއާ ބަލި ކަށަވަރުކުރުމަށްޓަކައި ބައެއް ހާލަތްތަކުގައި ކޮންމެހެންވެސް ހަދަންޖެހޭ ޑީއެންއޭ ޓެސްޓް ސަރުކާގެ ހޮސްޕިޓަލުގައި ހެދޭނޭ އިންތިޒާމް ހަމަޖެއްސުމުގެ މަސައްކަތް މިހާރު ކުރިއަށްދާކަމަށެވެ.
Advertisement
This content is created and paid for by advertisers and does not involve Voice Journalists
