މޫސުމީ ބަދަލުތަކާއި ތިމާވެއްޓާއި ހަކަތައާއި ބެހޭ ވުޒާރާާއި މޯލްޑިވްސް ޕޮލިޓެކްނިކާއި ދެމެދު ރެފްރިޖިރޭޝަން އަދި އޭސީ ޓެކްނީޝަނުން ތަމްރީނުކުރުމުގެ އެއްބަސްވުމެއްގައި ސޮއިކޮށްފިއެވެ.
މި އެއްބަސްވުމުގައި ތިމާވެއްޓާއި ބެހޭ ވުޒާރާގެ ފަރާތުން ސޮއިކުރެއްވީ، އެ ވުޒާރާގެ ވަޒީރު އިބްރާހީމް ޠާރިޤެވެ. އަދި ޕޮލިޓެކްނިކްގެ ފަރާތުން މި އެއްބަސްވުމުގައި ސޮއިކުރައްވާފައިވަނީ ޛޫޝާން ކަމާލުއްދީނެވެ.
މިކަމާއި ގުޅޭގޮތުން މަތީތައުލީމާއި މަސައްކަތްތެރިކަމާއި ހުނަރުތައް ތަރައްގީކުރުމާއި ބެހޭ ވުޒާރާއިން ބުނީ، 3 އަހަރު ދުވަހުގެ މި އެއްބަސްވުމަކީ ރެފްރިޖިރޭޝަން އެންޑް އެއާކޮންޑިޝަނިން (އާރްއޭސީ) ދާއިރާއިން ކުރިއެރުމަށް ޝައުގުވެރިވާ ޒުވާނުންނަށް، އެ ދާއިރާއިން ތަމްރީނުވެ، ރަސްމީ ސަނަދަކާއި ލައިސަންސެއް ހާޞިލުކުރުމުގެ ފުރުޞަތު ހުޅުވާލުމަށް ސޮއިކުރެވުނު އެއްބަސްވުމެއްކަމަށެވެ.
ހަމައެއާއިއެކު، މި އެއްބަސްވުމުގެ އަމާޒަކީ އޭސީ ފަދަ ތަކެތި މަރާތުކުރުމާއި މިދަފަ ތަކެތި ބޭނުންކުރުމުގައި ތިމާވެއްޓަށް ފައިދާ ހުރި އުފެއްދުންތެރި ގޮތްތަށް ހޯދައި، ދިވެހިރާއްޖޭގެ ޤުދުރަތީ ވަޞީލަތްތަށް ހިމާޔަތްކޮށް، ދަމަހައްޓާނެ ޒުވާނުން ބިނާކުރުން ކަމަށް އެ ވުޒާރާއިން ބުނެއެވެ.
Advertisement
This content is created and paid for by advertisers and does not involve Voice Journalists
